ທ່ານ ສົມ​ດີ ອິນ​ມີ​ໄຊ, ຫົວໜ້າ​ຫ້ອງການ​ສົ່ງ​ເສີມ ​ແລະ ພັດທະນາ​ວິ​ສາ​ຫະກິດ​ຂະໜາດ​ນ້ອຍ ​ແລະ ກາງ, ກະຊວງ​ອຸດສາຫະກໍາ ​ແລະ ການ​ຄ້າ ພ້ອມ​ດ້ວຍ​ຄະນະ ​ໄດ້​ເຂົ້າ​ຮ່ວມ​ກອງ​ປະຊຸມ ໜ່ວຍ​ງານ SME ອາ​ຊຽນ ຄັ້ງ​ທີ 32; ກອງ​ປະຊຸມ​ປຶກສາ​ຫາລື ລະຫວ່າງ​ ໜ່ວຍ​ງານ SME ອາ​ຊຽນ + 3 (ສປ ຈີນ, ​ເກົາຫລີ ​ແລະ ຍີ່ປຸ່ນ) ຄັ້ງ​ທີ 10;  ກອງ​ປະຊຸມ​ປຶກສາ​ຫາລື ລະຫວ່າງ​ ໜ່ວຍ​ງານ SME ອາ​ຊຽນ +ຍີ່ປຸ່ນ ຄັ້ງ​ທີ 10​ແລະ ກອງ​ປະຊຸມ​ສະພາ​ທີ່​ປຶກສາ SME ອາ​ຊຽນ ຄັ້ງ​ທີ 2 ຊຶ່ງ​ຈັດ​ຂຶ້ນ​ໃນ​ລະຫວ່າງວັນ​ທີ 5-8 / 6 / 2012 ທີ່ ກົວ​ລາ​ລໍາ​ເປີ, ປະ​ເທດ ມາ​ເລ​ເຊຍ.