ຄຸນລັກສະນະຂອງຜູ້ປະກອບການ

ຕັ້ງໃຈຈິງ ຄວາມຕັ້ງໃຈຈິງໃນການເຮັດທຸລະກິດ ໝາຍເຖິງໃຫ້ຄວາມ ສຳຄັນກັບທຸລະກິດຫລາຍກວ່າສິ່ງອື່ນໃດ, ຕັ້ງໃຈຈະເຮັດທຸລະກິດເປັນ ເວລາດົນ, ເຕັມໃຈທີ່ຈະເອົາເງິນມາສ່ຽງໃນການດຳເນີນທຸລະກິດ.

ແຮງຈູງໃຈ ແຮງຈູງໃຈໃນການເຮັດທຸລະກິດມີຫລາຍຢ່າງ, ແຕ່ທ່ານມີ ໂອກາດຈະປະສົບຄວາມສຳເລັດໄດ້ຖ້າແຮງຈູງໃຈຂອງທ່ານ ແມ່ນການ ເປັນເຈົ້າຂອງກິດຈະການທີ່ປະສົບຄວາມສຳເລັດ.

ຄວາມຊື່ສັດ ຖ້າທ່ານບໍ່ມີຄວາມຊື່ສັດຕໍ່ລູກຄ້າ, ຜູ້ສະໜອງ ຫລືແມ່ນ ແຕ່ລູກຈ້າງຂອງທ່ານ, ບໍ່ດົນທ່ານກໍຈະເສຍຊື່ສຽງ ເຊິ່ງຈະນຳໄປສູ່ ຄວາມລົ້ມລະລາຍໃນທຸລະກິດ.

ສຸຂະພາບ ການເຮັດທຸລະກິດເປັນວຽກໜັກ ທ່ານຈຳເປັນຕ້ອງມີສຸ ຂະພາບດີ.

ກ້າສ່ຽງ ທຸລະກິດທຸກຊະນິດຕ້ອງສ່ຽງ ທ່ານຕ້ອງເຕັມໃຈທີ່ຈະສ່ຽງໃນ ດ້ານທີ່ເຫັນວ່າສົມຄວນ.

ກ້າຕັດສິນໃຈ ໃນການເຮັດທຸລະກິດ ທ່ານຕ້ອງຕັດສິນໃຈດ້ວຍຕົນ ເອງ ແລະ ຕ້ອງກ້າຕັດສິນໃຈບັນຫາທີ່ມີຜົນກະທົບຕໍ່ທຸລະກິດ.

ຄອບຄົວ ການເຮັດທຸລະກິດຕ້ອງສຸມເວລາໃສ່ຫລາຍ ສະນັ້ນຄອບຄົວ ຄວນເຫັນດີນຳ ແລະ ພ້ອມຈະສະໜັບສະໜູນທ່ານ.

ຄວາມເປັນຜູ້ນຳ ສາມາດປົກຄອງເບິ່ງແຍງຄົນທີ່ເຮັດວຽກນຳທ່ານ ແລະ ຈະຕ້ອງນຳທຸລະກິດຂອງທ່ານໄປສູ່ຄວາມສຳເລັດໄດ້.

ມະນຸດສຳພັນ ທ່ານຕ້ອງມີທັກສະໃນການສ້າງຄວາມສຳພັນ ກັບທຸກຝ່າຍທັງລູກນ້ອງ, ລູກຄ້າ ແລະ ຄົນອື່ນໆໃນວົງການດຽວກັນ .

ຄວາມຄິດສ້າງສັນ ຖ້າທ່ານມັກລິເລີ່ມສ້າງສັນສິ່ງແປກໃໝ່, ຊອກຫາແນວທາງໃໝ່ ແລະ ບໍ່ມັກການນຳແນວໝູ່ ຖືວ່າທ່ານມີຈຸດ ເຂັ້ມແຂງໃນການສ້າງສັນ.

ສະພາບການເງິນ ຖ້າທ່ານມີເງິນພໍ ແລະ ຫາກທຸລະກິດລົ້ມລະ ລາຍທ່ານກໍ່ຈະບໍ່ຫຍຸ້ງຍາກຫລາຍຖືວ່າເປັນຈຸດເຂັ້ມແຂງ. ແຕ່ຖ້າ ທ່ານບໍ່ມີເງິນຂອງຕົນເອງ ແລະ ຝາກຄວາມຫວັງທຸກຢ່າງໄວ້ກັບທຸ ລະກິດນີ້ຖືວ່າ ເປັນຈຸດອ່ອນຂອງ ທ່ານ.

ຄວາມຮູ້ຄວາມຊຳນານ

ຄວາມຊຳນານດ້ານເຕັກນິກ ມີຄວາມຊຳນານໃນດ້ານການປະຕິ ບັດກໍ່ຄື: ການຜະລິດສິນຄ້າ ຫລືໃຫ້ບໍລິການ ເຊັ່ນ: ຖ້າຈະເປີດຮ້ານ ອາຫານກໍ່ຄວນແຕ່ງອາຫານເປັນ, ຈະເປີດຮ້ານສ້ອມແປງລົດຈັກກໍ່ ຄວນແປງລົດຈັກເປັນ ຖ້າບໍ່ດັ່ງນັ້ນກໍ່ຖືເປັນຈຸດອ່ອນ.

ຄວາມຊຳນານດ້ານການບໍລິຫານ ເປັນຄວາມຊຳນານໃນການດຳ ເນີນທຸລະກິດ ເຊັ່ນ: ການຕະຫລາດ, ການເຮັດບັນຊີ, ການຄິດໄລ່ຕົ້ນ ທຶນ.

ຄວາມຮຸ້ກ່ຽວກັບທຸລະກິດນັ້ນໆ ຄວາມຮູ້ທົ່ວໄປກ່ຽວກັບທຸລະກິດທີ່ ຈະເຮັດ.

ໃຫ້ທ່ານນັບຈຳນວນ ຈຸດເຂັ້ມແຂງ/ຈຸດອ່ອນ

ທ່ານມີຄວາມໝັ້ນໃຈຕໍ່ກັບຜູ້ປະກອບການ