ຕຶກອາຄານ/ສີ່ງແວດລ້ອມ > ທີ່ດິນ > ເຂດແລະປະເພດທີ່ດິນຕ່າງໆຢູ່ໃນຂອບເຂດທົ່ວປະເທດ ແລະ
ການນຳໃຊ້ທີ່ດິນ

ການຈັດແບ່ງເຂດ ແລະ ປະເພດທີ່ດິນ

(ເນື້ອໃນເອກະສານຕໍ່ໄປນີ້ແມ່ນຄັດມາຈາກກົດໝາຍວ່າດ້ວຍທີ່ດິນເລກທີ 04/ສພຊ)

ມາດຕາ 11 (ໃໝ່) ທີ່ດິນໃນຂອບເຂດທົ່ວປະເທດ ໄດ້ຈັດແບ່ງເປັນເຂດ ແລະ ປະເພດດັ່ງ ຕໍ່ໄປນີ້:

1. ການຈັດແບ່ງເຂດ :
   ເຂດທົ່ງພຽງ, ພູພຽງແລະພູດອຍ ຊຶ່ງປະກອບດ້ວຍ:

   • ເຂດຕົວເມືອງ;

   • ເຂດຊົນນະບົດ;

   • ເຂດເສດຖະກິດສະເພາະ;

   • ເຂດເສດຖະກິດພິເສດ.

2. ການຈັດແບ່ງປະເພດ:

   • ທີ່ດິນກະສິກຳ;

   • ທີ່ດິນປ່າໄມ້;

   • ທີ່ດິນບໍລິເວນນ້ຳ;

   • ທີ່ດິນອຸດສາຫະກຳ;

   • ທີ່ດິນຄົມມະນາຄົມ;

   • ທີ່ດິນວັດທະນະທຳ;

   • ທີ່ດິນປ້ອງກັນຊາດ-ປ້ອງກັນຄວາມສະຫງົບ;

   • ທີ່ດິນປຸກສ້າງ.

ມາດຕາ 12. (ໃໝ່) ການກຳນົດຂອບເຂດທີ່ດິນ

ແຕ່ລະປະເພດລັດຖະບານເປັນຜູ້ຈັດສັນແລະຈັດແບ່ງຂອບເຂດທີ່ດິນແຕ່ລະປະເພດໃນຂອບເຂດທົ່ວ ປະເທດແລ້ວ
ນຳສະເໜີຕໍ່ສະພາແຫ່ງຊາດ ເພື່ອພິຈາລະນາຮັບຮອງເອົາ.ອົງການປົກຄອງທ້ອງຖິ່ນເປັນຜູ້ກຳໜົດຂອບເຂດທີ່ດິນ
ປະເພດຕ່າງຯພາຍໃນຂອບເຂດ ຄວາມຮັບຜິດຊອບຂອງຕົນ ໂດຍສອດຄ່ອງກັບການກຳນົດຂອບເຂດ ປະເພດ
ທີ່ດິນທີ່ລັດໄດ້ ກຳນົດອອກແລ້ວນຳສະເໜີໃຫ້ອົງການປົກຄອງຂັ້ນເທິງຖັດຕົນນັ້ນເພື່ອ ພິຈາລະນາຮັບຮອງເອົາ.

ມາດຕາ 13. (ໃໝ່) ການເຊົ່າທີ່ດິນ

ລັດອະນຸຍາດໃຫ້ພົນລະເມືອງລາວເຊົ່າທີ່ດິນຂອງລັດສູງສຸດບໍ່ໃຫ້ເກີນ ສາມສິບປີແລະສາມາດຕໍ່ໄດ້ແລ້ວແຕ່ກໍລະນີ. ການກຳນົດເວລາເຊົ່າທີ່ດິນຕົວຈິງໃຫ້ອີງໃສ່ລັກສະນະ ແລະຂະໜາດຂອງກິດຈະການທີ່ຈະນຳໃຊ້ທີ່່ດິນ ນັ້ນ. ສຳລັບການເຊົ່າສິດນຳໃຊ້ທີ່ດິນ ທີ່ມີການ ພັດທະນາແລ້ວລະຫວ່າງພົນລະເມືອງລາວດ້ວຍກັນແມ່ນຂຶ້ນກັບການ
ຕົກລົງຂອງ ສອງຝ່າຍ ແລະ ຕ້ອງໄດ້ຮັບການຢັ້ງຢືນຈາກອົງການປົກຄອງບ້ານ, ສຳນັກງານທະບຽນສານ ແລະ ຈົດທະບຽນ ຢູ່ອົງການປົກຄອງເມືອງ, ເທດສະບານຍ່ອນທີ່ດິນຕັ້ງຢູ່.