ມາດຕາ 47. ພາລະບົດບາດຂອງອົງການປົກຄອງບ້ານ
   ອົງການປົກຄອງບ້ານ ມີພາລະບົດບາດຄຸ້ມຄອງບໍລິຫານ, ພັດທະນາເສດຖະກິດ, ວັດທະນະທຳ-ສັງຄົມຂອງ ບ້ານ, ປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ, ປົກປັກຮັກສາຊັບພະຍາກອນທຳມະຊາດ ແລະ ສິ່ງແວດລ້ອມພາຍໃນບ້ານຂອງຕົນ.

ມາດຕາ 48. ໂຄງປະກອບການຈັດຕັ້ງຂອງອົງການປົກຄອງບ້ານ
   ອົງການປົກຄອງບ້ານ ມີນາຍບ້ານເປັນຫົວໜ້າ, ມີຮອງນາຍບ້ານ ແລະ ໜ່ວຍງານຈຳນວນ ໜຶ່ງຊ່ວຍວຽກ;

ມາດຕາ 49. ການເລືອກຕັ້ງນາຍບ້ານ
   ນາຍບ້ານ ໄດ້ຮັບການເລືອກຕັ້ງຈາກປະຊາຊົນຜູ້ມີສິດເລືອກຕັ້ງພາຍໃນບ້ານ ແລະ ຖືກຮັບຮອງໂດຍເຈົ້າເມືອງ ຫຼື ຫົວໜ້າເທດສະບານ. ໃນກໍລະນີຈຳເປັນນາຍບ້ານອາດຖືກແຕ່ງຕັ້ງ ຫຼື ປົດຕຳແໜ່ງໂດຍເຈົ້າເມືອງ, ຫົວໜ້າເທດ ສະບານ. ຮອງນາຍບ້ານຖືກແຕ່ງຕັ້ງ ຫຼື ປົດຕຳແໜ່ງໂດຍເຈົ້າເມືອງ ຫຼື ຫົວໜ້າເທດສະບານຕາມການສະເໜີຂອງ ນາຍບ້ານ. ນາຍບ້ານ ແລະ ຮອງນາຍບ້ານມີອາຍຸການສະໄໝລະສາມປີ, ສາມາດໄດ້ຮັບການເລືອກຕັ້ງ ຫຼື ແຕ່ງຕັ້ງ ຄືນໃໝ່.  
 

ມາດຕາ 51. ເງື່ອນໄຂການສ້າງຕັ້ງ
   ການສ້າງຕັ້ງບ້ານ ຕ້ອງປະຕິບັດຕາມເງື່ອນໄຂດັ່ງນີ້:
     1. ມີທີ່ຕັ້ງພູມສາດ ທີ່ເໝາະສົມແກ່ການປົກຄອງ;
     2. ຈຳນວນພົນລະເມືອງ: ບ້ານຢູ່ໃນຕົວເມືອງຕ້ອງມີພົນລະເມືອງຢ່າງໜ້ອຍນຶ່ງພັນຄົນ; ບ້ານຢູ່ເຂດທົ່ງພຽງ ຕ້ອງມີພົນລະເມືອງຢ່າງໜ້ອຍຫ້າຮ້ອຍຄົນ; ບ້ານຢູ່ເຂດພູດອຍ, ຫ່າງໄກສອກຫຼີກຕ້ອງມີພົນລະເມືອງຢ່າງໜ້ອຍສອງ ຮ້ອຍຄົນ.
     3. ມີເງື່ອນໄຂພັດທະນາເສດຖະກິດ-ສັງຄົມທີ່ໝັ້ນຄົງ.
  

ມາດຕາ 53. ສິດ ແລະ ໜ້າທີ່ຂອງນາຍບ້ານ
   ນາຍບ້ານມີສິດ ແລະ ໜ້າທີ່ ດັ່ງນີ້:
     1. ຈັດຕັ້ງປະຕິບັດລັດຖະທຳມະນູນ, ກົດໝາຍ, ມະຕິ ແລະ ຄຳສັ່ງຕ່າງໆຂອງຂັ້ນເທິງ, ພັດທະນາເສດຖະ ກິດ, ປັບປຸງຊີວິດການເປັນຢູ່ຂອງປະຊາຊົນ; ປົກປັກຮັກສາຊັບພະຍາກອນທຳມະຊາດ ແລະ ສິ່ງແວດລ້ອມ; ວຽກ ງານປ້ອງກັນຊາດ-ປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍພາຍໃນບ້ານ;
     2. ເຜີຍແຜ່ແນວທາງນະໂຍບາຍ, ລະບຽບກົດໝາຍໃຫ້ປະຊາຊົນພາຍໃນບ້ານຂອງຕົນ; ສຶກສາອົບຮົມ, ປຸກ ລະດົມ, ເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າ, ຊຸກຍູ້ການປະຕິບັດສິດ ແລະ ພັນທະຂອງພົນລະເມືອງ;
     3. ຊຸກຍູ້, ສົ່ງເສີມ ແລະ ສ້າງເງື່ອນໄຂໃຫ້ແນວລາວສ້າງຊາດ, ບັນດາອົງການຈັດຕັ້ງມະຫາຊົນ, ອົງການ ຈັດຕັ້ງສັງຄົມ, ທຸກພາກສ່ວນເສດຖະກິດ ແລະ ປະຊາຊົນບັນດາເຜົ່າເຂົ້າຮ່ວມການພັດທະນາເສດຖະກິດ-ສັງຄົມຢູ່ ພາຍໃນບ້ານຂອງຕົນ;
     4. ປົກປັກຮັກສາ, ສົ່ງເສີມຮີດຄອງປະເພນີ, ວັດທະນະທຳອັນດີງາມຂອງຊາດ ແລະ ຂອງບັນດາເຜົ່າ, ສະ ກັດກັ້ນສິ່ງຫຍໍ້ທໍ້ ແລະ ການເຊື່ອຖືແບບງົມງວາຍພ້ອມທັງຊຸກຍູ້ສົ່ງເສີມການສຶກສາຮ່ຳຮຽນ, ການດຳລົງຊີວິດຂອງປະ ຊາຊົນໃຫ້ຖືກຕ້ອງຕາມຫຼັກສຸຂານາໄມ;
     5. ຄຸ້ມຄອງພົນລະເມືອງພາຍໃນບ້ານ, ສ້າງເງື່ອນໄຂໃຫ້ປະຊາຊົນມີອາຊີບຄົງທີ່ ແລະ ມີວຽກເຮັດງານທຳ;
     6. ຮຽກໂຮມແລະເປັນປະທານກອງປະຊຸມຂອງບ້ານ, ອົງການປົກຄອງບ້ານ; ເຂົ້າຮ່ວມກອງປະຊຸມຕາມການ ຮຽກໂຮມຂອງຂັ້ນເທິງ;
     7. ສະເໜີເຈົ້າເມືອງ ຫຼື ຫົວໜ້າເທດສະບານພິຈາລະນາແຕ່ງຕັ້ງ, ປົດຕຳແໜ່ງຮອງນາຍບ້ານ;
     8. ອອກລະບຽບ, ແຈ້ງການຕ່າງໆຂອງບ້ານທີ່ສອດຄ່ອງກັບລະບຽບກົດໝາຍ;
     9. ສະເໜີຂັ້ນເທິງພິຈາລະນາສັ່ງໂຈະ ຫຼື ຢຸດຕິການປະຕິບັດກິດຈະການໃດໜຶ່ງທີ່ຂັດກັບກົດໝາຍ, ລະບຽບ ການ ແລະ ສິດຜົນປະໂຫຍດລວມຂອງບ້ານ;
     10. ແກ້ໄຂຂໍ້ຂັດແຍ່ງ, ຄຳຮ້ອງ, ຄຳສະເໜີຂອງປະຊາຊົນໃນຂອບເຂດສິດຂອງຕົນ;
     11. ລາຍງານສະພາບການຮອບດ້ານຂອງບ້ານໃຫ້ເຈົ້າເມືອງ, ຫົວໜ້າເທດສະບານຢ່າງເປັນປົກກະຕິ.
     12. ໄດ້ຮັບນະໂຍບາຍອຸດໜູນຕາມລະບຽບກົດໝາຍ.
     13. ປະຕິບັດສິດ ແລະ ໜ້າທີ່ອື່ນໆ ຕາມທີ່ໄດ້ກຳນົດໄວ້ໃນລະບຽບກົດໝາຍ.

ມາດຕາ 54. ສິດ ແລະ ໜ້າທີ່ຂອງຮອງນາຍບ້ານ
   ຮອງນາຍບ້ານ ເປັນຜູ້ຊ່ວຍວຽກນາຍບ້ານ, ຮັບຜິດຊອບວຽກໃດໜຶ່ງຕາມການມອບໝາຍຂອງນາຍບ້ານ. ໃນກໍລະ ນີນາຍບ້ານຕິດຂັດດ້ວຍເຫດຜົນໃດໜຶ່ງ ຮອງນາຍບ້ານຜູ້ທີ່ໄດ້ຮັບມອບໝາຍນັ້ນເປັນຜູ້ປະຕິບັດໜ້າທີ່ແທນ.
 

ມາດຕາ 56. ບັນຫາທີ່ຕ້ອງນຳເຂົ້າກອງປະຊຸມຂອງອົງການປົກຄອງບ້ານ
   ບັນຫາທີ່ຕ້ອງນຳເຂົ້າພິຈາລະນາ ແລະ ຕົກລົງໃນກອງປະຊຸມຂອງອົງການປົກຄອງບ້ານ ມີດັ່ງນີ້ :
     1. ແຜນພັດທະນາເສດຖະກິດ-ສັງຄົມ ແລະ ສິ່ງແວດລ້ອມຂອງບ້ານ;
     2. ການສ້າງຕັ້ງ, ຍຸບເລີກກົງຈັກການຈັດຕັ້ງຂອງອົງການປົກຄອງບ້ານ ເພື່ອສະເໜີຂັ້ນເມືອງພິຈາລະນາຕົກ ລົງ;
     3. ໂຄງການລົງທຶນພາຍໃນບ້ານຂອງຕົນ;
     4. ຮ່າງລະບຽບການຕ່າງໆຂອງບ້ານ;
     5. ບົດສະຫຼຸບການເຄື່ອນໄຫວວຽກງານການພັດທະນາ, ເສດຖະກິດ-ສັງຄົມຂອງບ້ານ;
     6. ບົດລາຍງານຕໍ່ເຈົ້າເມືອງ,ຫົວໜ້າເທດສະບານ;
     7. ວຽກງານປ້ອງກັນຊາດ-ປ້ອງກັນຄວາມສະຫງົບຂອງບ້ານ.
   ນອກຈາກບັນຫາທີ່ໄດ້ກ່າວມາຂ້າງເທິງນີ້ແລ້ວ ກອງປະຊຸມຂອງອົງການປົກຄອງບ້ານຈະນຳ ເອົາບັນຫາອື່ນທີ່ສຳ ຄັນ ແລະ ຈຳເປັນມາພິຈາລະນາກໍໄດ້.

ມາດຕາ 57. ກອງປະຊຸມບ້ານ
   ນາຍບ້ານ ເປັນຜູ້ຮຽກໂຮມກອງປະຊຸມບ້ານ; ກອງປະຊຸມບ້ານປະກອບດ້ວຍ: ນາຍບ້ານ, ຮອງນາຍບ້ານ, ຫົວໜ້າ ໜ່ວຍງານ, ຫົວໜ້າໜ່ວຍ, ຫົວໜ້າຄອບຄົວ ຊຶ່ງຈັດຂຶ້ນຕາມຄວາມຮຽກຮ້ອງຕ້ອງການຂອງວຽກງານ ຫຼື ຕາມການ ແນະນຳຂອງຂັ້ນເທິງ.