ຂໍ້ມູນຈາກ ຫ້ອງການ ຫສວ - 27 ທັນວາ 2006

         ກອງປະຊຸມປຶກສາຫາລື ເພື່ອກະກຽມສ້າງບນຊີປະເພດທຸລະກິດຄວມຄຸມ ພາຍໃຕ້ກົດໝາຍວ່າດ້ວຍ ວິສາ ຫະກິດສະບັບໃຫມ່ ໄດ້ຈັດຂື້ນໃນວັນທີ 26 ທັນວາ 2006 ນີ້ ທີ່ ໂຮງແຮມ ລາວພລາຊາ ນະຄອນຫລວງວຽງຈັນ ໂດຍການເປັນປະທານຂອງທ່ານ ສຽວສະຫວາດ ສະແຫວງສຶກສາ ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າ, ມີຊ່ຽວຊານສາກົນ, ຫົວໜ້າສະຖາບັນຄົ້ນຄວ້າເສດຖະກິດການຄ້າ, ຫົວໜ້າຫ້ອງການສົ່ງເສີມ ແລະ ພັດ ທະນາວິສາຫະກິດຂະໜາດນ້ອຍ ແລະ ກາງ; ຫ້ອງການ Mekong Private Sector Development Faculty (IFC-MPDF); ຜູ້ຕາງໜ້າກົມ ຈາກກະຊວງ ແລະ ຂະແໜງການທີ່ກ່ຽວຂ້ອງເຂົ້າຮ່ວມ.
         ຈຸດປະສົງຫລັກຂອງ ກອງປະຊຸມໃນຄັ້ງນີ້ ເພື່ອສ້າງຄວາມເຂົ້າໃຈທີ່ເປັນເອກະພາບໃນແຕ່ລະຂະແໜງການ ຕໍ່ເນື້ອໃນຈິດໃຈຂອງກົດໝາຍວ່າດ້ວຍທຸລະກິດ; ປຶກສາຫາລືກ່ຽວກັບມາດຕະຖານ ແລະ ເງື່ອນໄຂຂອງທຸລະກິດທີ່ຈະ ຈັດເຂົ້າໃນບັນຊີປະເພດທຸະກິດຄວບຄຸມ ແລະ ປຶກສາຫາລືກ່ຽວກັບວິທີການ ແລະ ກົນໄກສຳລັບການປະສານງານໃນ ການສ້າງບັນຊີປະເພດທຸລະກິດຄວບຄຸມ.