ການນຳເຂົ້າ ແລະ ສົ່ງອອກ > ການຂື້ນທະບຽນອະນຸຍາດການນຳເຂົ້າ ແລະສົ່ງອອກ > ຂັ້ນຕອນໃນຕ່າງໆໃນການຂື້ນທະບຽນນຳເຂົ້າ ແລະ ສົ່ງອອກ

ກະຊວງການຄ້າ

ເລກທີ / ກຄ.ພນ
ນະຄອນຫລວງວຽງຈັນ,ວັນທີ

ຄຳສັ່ງແນະນຳ
ຂອງລັດຖະມົນຕີວ່າການກະຊວງການຄ້າ ກ່ຽວກັບ
ການແບ່ງຂັ້ນຄຸ້ມຄອງຂື້ນທະບຽນວິສາຫະກິດ ”

ເຖິງ: ພະແນກການຄ້າ ແຂວງ,ນະຄອນຫລວງວຽງຈັນ ແລະ ເຂດພິເສດ.
ເລື່ອງ: ກ່ຽວກັບການແບ່ງຂັ້ນຄຸ້ມຄອງ,ຂື້ນທະບຽນວິສາຫະກິດ,ການລົງພາຍໃນແລະການລົງທືນຕ່າງປະເທດ
ລະຫວ່າງ ຂັ້ນສູນກາງ ແລະ ທ້ອງຖິ່ນ.

ອີງຕາມກົດໝາຍວ່າດ້ວຍທຸລະກິດສະບັບເລກທີ03/94/ສພຊ,ລົງວັນທີ18/7/94

• ອີງຕາມດຳລັດວ່າດ້ວຍການຈັດຕັ້ງແລະເຄື່ອນໄຫວ ຂອງກະຊວງການຄ້າ ສະບັບ ເລກ
  ທີ 78 / ນຍ, ລົງວັນທີ 14 ມິຖຸນາ 2002

• ອີງຕາມດຳລັດ ສະບັບເລກທີ 46/ນຍ,ລົງວັນທີ 23/3/2001 ກ່ຽວກັບການຈັດຕັ້ງປະຕິບັດກົດ
  ໝາຍວ່າດ້ວຍການສົ່ງເສີມ ແລະ ຄຸ້ມຄອງການລົງທຶນຕ່າງປະເທດ.

ກະຊວງການຄ້າ ໄດ້ອອກບົດແນະນຳ ແນໃສ່ເພື່ອສືບຕໍ່ຈັດຕັ້ງປະຕິບັດກົດໝາຍວ່າດ້ວຍທຸລະກິດ ແລະ ລະບຽບກົດ
ໝາຍກ່ຽວຂ້ອງອື່ນໆ ກ່ຽວກັບການຂື້ນທະບຽນວິສາຫະກິດຂອງການລົງທຶນພາຍໃນແລະຕ່າງປະເທດຜ່ານປະຕູດຽວ ນຳຂະແໜງການຄ້າໃຫ້ມີຄວາມເປັນເອກະພາບ ແນໃສ່ເພື່ອຊຸກຍູ້ສົ່ງເສີມ ການສ້າງຕັ້ງ ແລະ ດຳເນີນທຸລະກິດ
ຂອງວິສາຫະກິດ ໃຫ້ມີຄວາມສະດວກ,ງ່າຍດາຍ,ວ່ອງໄວ, ໂປ່ງໃສ, ຮັດກຸມແລະສົ່ງເສີມ, ພັດທະນາດຶງດູດ
ວຽກງານການລົງທຶນພາຍໃນແລະຕ່າງປະເທດໃຫ້ເພີ້ມທະວີຂື້ນ. ຈິ່ງໄດ້ແບ່ງຂັ້ນຄູ້ມຄອງລະຫ່ວາງຂັ້ນສູນກາງ
ແລະຂັ້ນທ້ອງຖີ່ນ ເພື່ອຈັດຕັ້ງປະຕີບັດ ດັ່ງນີ້:

I.) ການຂື້ນທະບຽນວິສາຫະກິດ ການລົງທຶນຕ່າງປະເທດ:
ກ.) ຂັ້ນສູນກາງ(ກະຊວງການຄ້າ ,ກົມການຄ້າພາຍໃນ) ອະນຸມັດແລະຂື້ນທະບຽນວິສາຫະກິດຕາມເງື່ອນໄຂດັ່ງນີ້:
1.) ຜູ້ທີ່ໄດ້ຮັບໃບອະນຸຍາດລົງທຶນ ຈາກລັດຖະບານ ສ ປ ປ ລາວ ຫຼື ປະທານ ຄະນະກຳມະ ການແຜນການແລະການລົງທຶນ ຂອງຂັ້ນສູນກາງ ທີ່ມີທຶນຈົດທະບຽນວິສາຫະກິດ ແຕ່ມູນ ຄ່າ:10.000.000. ໂດລາສະຫະລັດ ຂື້ນໄປ ແລະ 10.000.000.ໂດລາສະຫະລັດລົງມາ.
2.) ຜູ້ທີ່ໄດ້ຮັບໃບອະນຸຍາດລົງທຶນຈາກ ຄະນະ ກຳມະການແຜນການແລະການລົງທຶນ ຂອງຂັ້ນທ້ອງຖິ່ນ,ອະນຸຍາດດຳເນີນທຸລະກິດໃນຂະແໜງການຄ້າ ທີ່ມີການສົ່ງອອກ,ນຳເຂົ້າ ເພື່ອມາຈຳ ໜ່າຍພາຍໃນ(ລວມທັງຢູ່ໃນຮ້ານທີ່ເປັນຂອງວິສາຫະກິດ) ປະເພດສີນຄ້າດັ່ງນີ້:

-ສົ່ງອອກ: ສິນຄ້າປະເພດໄມ້,ຜະລິດຕະພັນໄມ້ ທຸກໆປະເພດແລະວັດຖຸມີຄ່າເປັນຮູບປະພັນທີ່ສາກົນນຳໃຊ້ເປັນພາຫະນະຊຳລະ ແກ້ວປະເສິດ,ໂລຫະປະເສີດສຳເລັດ
ຮູບແລະເຄີ່ງສຳເລັດຮູບທຸກໆປະເພດ.
- ນຳເຂົ້າ: ສິນຄ້າປະເພດນ້ຳມັນເຊື້ອໄຟ,ນ້ຳມັນຫຼໍ່ລື້ນ,ພາຫານະແລະສິນຄ້າຟຸມເຟືອຍ, ວັດຖຸມີຄ່າທີ່ສາກົນນຳໃຊ້
ເປັນພາຫະນະຊຳລະ,ແກ້ວປະເສິດ,ໂລຫະປະເສີດສຳເລັດຮູບແລະເຄີ່ງສຳເລັດຮູບທຸກໆປະເພດ ເພື່ອຜະລິດ
ແລະຈຳໜ່າຍພາຍໃນ.
ຂ.) ຂັ້ນທ້ອງຖີ່ນ(ບັນດາພະແນກການຄ້າແຂວງ,ນະຄອນຫລວງວຽງຈັນແລະເຂດພິເສດ):ມີສິດດັ່ງນີ້:
ຂື້ນທະບຽນວິສາຫະກິດໃຫ້ແກ່ ຜູ້ທີ່ໄດ້ຮັບອະນຸຍາດລົງທຶນຈາກຄະນະກຳມະການແຜນ ແລະ ການລົງທຶນ ຂອງຂັ້ນທ້ອງຖິ່ນຕົນ ທີ່ມີທຶນຈົດທະບຽນວິສາຫະກິດ ແຕ່ມູນຄ່າ 1.000.000.ໂດລາລົງມາ ແລະ 2.000.000.ໂດລາລົງມາ ສະເພາະ 04ແຂວງ ເຊັ່ນ: ນະຄອນຫລວງວຽງຈັນ, ສະຫວັນນະເຂດ, ຈຳປາສັກ ແລະ ຫລວງພະບາງ ( ຕາມບັນຊີກິດຈະການສົ່ງເສີມການລົງທຶນ ຂອງດຳລັດ 46/ນຍ, ລົງວັນທີ23/4/2003) ຖ້າຫາກວ່າມີໃບອະນຸຍາດລົງທຶນໃບໃດທີ່ມີມູນຄ່າທຶນຈົດທະບຽນເກີນນີ້ ແມ່ນໃຫ້ສະເໜີລາຍງານຂໍຄຳເຫັນນຳກົມການຄ້າພາຍໃນ ເພື່ອຈະເປັນບ່ອນອີງໃນການຂໍຄຳເຫັນນຳກົມສົ່ງເສີມ ແລະ ຄຸ້ມຄອງການລົງທຶນພາຍໃນ ແລະ ຕ່າງປະເທດ ຂອງຂັ້ນສູນກາງກ່ອນ ຈິ່ງຈະແນະນຳຈັດຕັ້ງ ປະຕິບັດໄດ້.

II .) ການຂື້ນທະບຽນວິສາຫະກິດທຸກໆປະເພດທຸລະກິດທີ່ມີການການລົງທຶນຢູ່ພາຍໃນປະເທດ.
ຜູ້ທີ່ມີຈຸດປະສົງສ້າງຕັ້ງວິສາຫະກິດ ໂດຍພື້ນຖານແມ່ນອີງຕາມກົດໝາຍວ່າດ້ວຍວິສາຫະກິດ ໃນເບື້ອງຕັ້ນຕ້ອງໄດ້
ຂໍຄຳເຫັນການສ້າງຕັ້ງວິສາຫະກິດນຳຂະແໜງການທີ່ຈະດຳເນີນທຸລະກິດ,ຂື້ນທະບຽນວິສາຫະກິດນຳຂະແໜງການຄ້າ
ແລະ ຂໍອະນຸຍາດດຳເນີນທຸລະກິດ ນຳຂະແໜງການກ່ຽວຂ້ອງ.

ສຳລັບການອະນຸຍາດສ້າງຕັ້ງວິສາຫະກິດທີ່ຈະດຳເນີນທຸລະກິດຂະແໜງການຄ້າກ່ຽວກັບການສົ່ງອອກ,
11/10/2001 ນຳເຂົ້າເພື່ອມາຈຳໜ່າຍພາຍໃນ(ຢູ່ໃນຮ້ານທີ່ເປັນຂອງວິສາຫະກິດ)ແລະທຸລະກິດການຈຳໜ່າຍສີນຄ້າຢູ່
ພາຍໃນ ໃຫ້ຈັດຕັ້ງປະຕິບັດຕາມ ດຳລັດ ສະບັບເລກທ ີ205/ນຍ ,206/ນຍ, ລົງວັນທີ 11/10/2001 ແລະ ແຈ້ງການຂອງລັດຖະມົນຕີວ່າການກະຊວງການຄ້າ ກ່ຽວກັບບັນຊີລາຍການສີນຄ້າເກືອດຫ້າມຈຳໜ່າຍ,ບໍ່ສົ່ງເສີມ
ອອກທະບຽນສີນຄ້າມີເງື່ອນໃຂດ້ານໂຄງລ່າງແລະຄຸນວຸດທິຂອງບຸກຄະລະກອນ ທີ່ຈະໄດ້ກຳນົດອອກເປັນແຕ່ລະປີ
ເປັນພື້ນຖານໃນການຈັດຕັ້ງປະຕິບັດ(ສະເພາະການດຳເນີນທຸລະກິດຂະແໜງການຄ້າ) ຈື່ງໄດ້ແບ່ງຂັ້ນຄຸ້ມຄອງດັ່ງນີ້:

ກ.) ຂັ້ນກະຊວງຄຸ້ມຄອງ (ກົມການຄ້າພາຍໃນ) ອະນຸມັດຂື້ນທະບຽນວິສາຫະກິດ ໃນຂະແໜງການທີ່ຈະ:ດຳເນີນ
ທຸລະກິດດັ່ງນີ້:

1. ຂະແໜງການຄ້າ: ການດຳເນີນທຸລະກິດ ທີ່ມີການສົ່ງອອກ,ນຳເຂົ້າເພື່ອມາຈຳໜ່າຍພາຍໃນ: (ລວມທັງຢູ່ໃນຮ້ານ ທີ່ເປັນຂອງວິສາຫະກິດ) ປະເພດສີນຄ້າເຊັ່ນ:

• ສົ່ງອອກ: ສິນຄ້າປະເພດໄມ້,ຜະລິດຕະພັນໄມ້ ທຸກໆປະເພດແລະວັດຖຸມີຄ່າເປັນຮູບປະພັນທີ່ສາກົນນຳໃຊ້ເປັນພາຫະນະຊຳລະ ແກ້ວປະເສິດ,ໂລຫະປະເສີດສຳເລັດຮູບແລະເຄີ່ງສຳເລັດຮູບທຸກໆປະເພດ.

• ນຳເຂົ້າ: ສິນຄ້າປະເພດນ້ຳມັນເຊື້ອໄຟ,ນ້ຳມັນຫຼໍ່ລື້ນ,ພາຫານະແລະສິນຄ້າຟຸມເຟືອຍ, ວັດຖຸມີຄ່າເປັນຮູບປະພັນ,ແກ້ວປະເສິດ,ໂລຫະປະເສີດສຳເລັດຮູບແລະເຄີ່ງສຳເລັດຮູບທຸກໆປະເພດ ເພື່ອຈຳໜ່າຍພາຍໃນ.

2. ບັນດາວິສາຫະກິດຂອງລັດແລະລັດວິສາຫະກິດປະສົມທຸກປະເພດການດຳເນີນທຸລະກິດ ທີ່ຂັ້ນສູນກາງເຫັນດີສ້າງຕັ້ງຂື້ນ.

3. ການສະເຫນີສ້າງຕັ້ງ,ດຳເນີນທຸລະກິດທີ່ເປັນທຸລະກິດໃຫ່ຍແລະຂັ້ນທອ້ງຖີ່ນບໍ່ສາມາດອະນຸມັດຂື້ນທະບຽນ
ໄດ້ເນື່ອງຈາກວ່າມີການຕິດພັນກັບການຄຸ້ມຄອງຂອງຂະແໜງການອື່ນໆແລະຂະແໜງການກ່ຽວຂ້ອງນັ້ນກໍຍັງບໍ່ທັນ
ແບ່ງຂັ້ນຄຸ້ມຄອງໃຫ້ຂັ້ນທ້ອງຖີ່ນຮັບຜິດຊອບໄດ້. .ນອກຈາກນັ້ນແມ່ນມອບໃຫ້ຂັ້ນທ້ອງຖີ່ນຮັບຜີດຊອບສືບ
ຕໍ່ຈັດຕັ້ງປະຕີບັດຕາມການແບ່ງຂັ້ນຄຸ້ມຄອງນີ້

ຂ.) ຂັ້ນທ້ອງຖິ່ນ ( ພະແນກການຄ້າແຂວງ, ນະຄອນຫລວງວຽງຈັນ ແລະ ເຂດພິເສດ ). ອະນຸມັດຂື້ນທະບຽນວິສາຫະກິດ ຂະແໜງກະສີກຳ,ອຸດສາຫະກຳ,ການຄ້າແລະການບໍລີການ ສະເພາະແຕ່ການສະເຫນີສ້າງຕັ້ງວິສາຫະກິດທີ່ເປັນຮູບການບໍລິສັດ,ຖ້າເປັນຮູບການວິສາຫະກິດສ່ວນບຸກຄົນຕ້ອງເປັນ ປະພດການດຳເນີນທຸລະກິດທີ່ຂະແໜງການກ່ຽວຂ້ອງຍັງບໍ່ທັນໄດ້ມອບໂອນໃຫ້ຂັ້ນ:ເມືອງຮັບຜີດຊອບຄຸ້ມຄອງ ລະອຽດດັ່ງນີ້:

1. ຜູ້ມີຈຸດປະສົງຢາກສ້າງຕັ້ງວິສາຫະກິດ ທີ່ຕີດພັນກັບການຄຸ້ມຄອງແລະອະນຸຍາດດຳເນີນທຸລະກິດຂອງ ທຸກໆຂະແໜງການກ່ຽວຂ້ອງ (ບໍ່ແມ່ນທຸລະກິດຂະແໜງການຄ້າ) ແມ່ນໃຫ້ໄປພົວພັນສະເຫນີອະນຸຍາດສ້າງຕັ້ງ
   ວິສາຫະກິດນຳຂະແໜງການກ່ຽວຂ້ອງໂລດ, ຖ້າຂະແໜງການກ່ຽວຂ້ອງໃດມີການຢັ້ງຢືນເຫັນດີ ເປັນທາງການ
   ໃຫ້ແກ່ການສ້າງຕັ້ງ ວິສາຫະກິດໃດ ຫຼື ມີໃບອະນຸຍາດດຳເນີນທຸລະກິດ ຈື່ງປະກອບເອກະການ,ລະບຸເນື້ອໃນຕາມ
   ແບບຟອມການຂື້ນທະບຽນວິສາຫະກິດນຳຂະແໜງການຄ້າ,ຖ້າຄົບຖ້ວນແລ້ວ ອະນຸມັດ ຂື້ນທະບຽນວິສາຫະກິດ
   ໃຫ້ສຳເລັດພາຍໃນ ວັນໃມງລັດຖະການ

2. ອະນຸມັດຂື້ນທະບຽນວິສາຫະກິດໃຫ້ແກ່ຜູ້ສະເຫນີສ້າງຕັ້ງແລະດຳເນີນທຸລະກີດຂະແໜງການຄ້າ ໃນດ້ານການ ສົ່ງອອກສີນຄ້າ,ນຳເຂົ້າສີນຄ້າມາເພື່ອຈຳໜ່າຍຢູ່ພາຍໃນປະເທດ ນອກຈາກປະເພດສີນຄ້າທີ່ບໍ່ແມ່ນຂັ້ນກະຊວງ
   (ກົມການຄ້າພາຍໃນ) ອະນຸມັດ,ຖ້າຫາກຂັ້ນຄຸ້ມຄອງໃດໄດ້ຂື້ນທະບຽນວິສາຫະກິດ ທີ່ລະບຸມີການຈຳໜ່າຍສີນຄ້າຢູ່ພາຍໃນແລ້ວ ຂັ້ນຄຸ້ມຄອງຫຼຸດລົງມາບໍ່ໃຫ້ຂື້ນທະບຽນວິສາຫະກິດການຈຳໜ່າຍສີນຄ້າຂອງວິສາຫະກິດນັ້ນຕື່ມອີກ,ຈະແມ່ນການຈຳ
   ໜ່າຍປະເພດສີນຄ້າທີ່ຜະລິດຢູ່ພາຍໃນປະເທດ ຫຼື ສີນຄ້ານຳເຂົ້າຈາກຕ່າງປະເທດກໍຕາມ,ໃນກໍລະນີມີຮູບການຈຳ
   ໜ່າຍຂອວິສາຫະ ກິດໃດຫນື່ງ ທີ່ມີການໂອນກຳມະສີດ ສີນຄ້າເທື່ອທີ່ຫນື່ງ ຫຼື ການຂາຍເທື່ອສຸດທ້າຍໃຫ້ແກ່ບຸກຄົນຫຼື ນິຕີບຸກຄົນໃດຫນື່ງຈະເປັນການຂາຍຍົກ ຫຼືການຂາຍຍ່ອຍກໍຕາມ ທີ່ມີຈຸດປະສົງມຸງ ຫາຜົນກຳໄລທີ່ດຳເນີນທຸລະກິດຈຳໜ່າຍສີນຄ້າຈະຕ້ອງໄດ້ຂື້ນທະບຽນວິສາຫະກິດການຈຳໜ່າຍຕາມຮູບການວິສາ
   ຫະກິດແລະລະບຽບການກ່ຽວຂ້ອງກຳນົດໄວ້.

3. ການອະນຸມັດສ້າງຕັ້ງ,ຂື້ນທະບຽນວິສາຫະກິດການດຳເນີນທຸລະກິດການປຸງແຕ່ງຜະລິດແລະຈຳໜ່າຍວັດຖຸມີຄ່າທີ່
   ເປັນຮູບປະພັນ,ແກ້ວປະເສີດແລະໂລຫະປະເສີດ.

4. ທຸກການສະເໜີສ້າງຕັ້ງວິສາຫະກິດຂອງລັດແລະລັດວິສາຫະກິດປະສົມ ທີ່ຂັ້ນທ້ອງຖິ່ນເປັນຜູ້ອະນຸມັດສ້າງຕັ້ງ,ແຕ່ຖ້າເປັນທຸລະກິດຂະແໜງການຄ້າ ທີ່ຢູ່ໃນຂັ້ນກະຊວງ(ກົມການຄ້າພາຍໃນ) ອະນຸມັດແມ່ນໃຫ້ເຮັດສະໂນດນຳສົ່ງຫາກະຊວງເປັນຜູ້ອະນຸມັດສ້າງຕັ້ງແລະຂື້ນທະບຽນວິສາຫະກິດ.

5. ຖ້າຫາກມີຫ້ອງການຄ້າເມືອງໃດມີເງື່ອນໃຂເໝາະສົມສາມາດຄຸ້ມຄອງ,ຕີດຕາມແລະກວດກາໃນການສະເຫນີສ້າງ
   ຕັ້ງວິສາຫະກິດທີ່ເປັນ ຮູບການ ວິສາຫະກິດສ່ວນບຸກຄົນ ແລະການອອກອະນຸຍາດດຳເນີນທຸລະກີດຂອງບັນດາຂະແໜງການທີ່ກ່ຽວຂ້ອງຢູ່ໃນຂັ້ນເມືອງຮັບຜີດຊອບ ແມ່ນໃຫ້ປະສານສົມທົບກັບຂະແໜງການກ່ຽວຂ້ອງກ່ອນຖ້າຫາກເຫັນດີ ແລ້ວຈື່ງມອບໂອນວຽກງານເພີ້ມເຕີມໃຫ້ບັນດາຫ້ອງການຄ້າເມືອງ ຮັບຜິດຊອບແລະຄຸ້ມຄອງຕີ່ມ.

ຄ.) ຂັ້ນຫ້ອງການຄ້າເມືອງໃນ ຂອບເຂດທົ່ວປະເທດ .
ອະນຸມັດຂື້ນທະບຽນວິສາຫະກິດ ໃຫ້ແກ່ຜູ້ສະເໜີສ້າງຕັ້ງວິສາຫະກິດ ທີ່ເປັນຮູບການວິສາຫະກິດສ່ວນບຸກຄົນດຳເນີນທຸລະ
ກິດທີ່ຂະແໜງການກ່ຽວຂ້ອງໄດ້ມອບໂອນໃຫ້ ຂັ້ນເມືອງຮັບຜິດຊອບ ສ່ວນຂະແໜງການຄ້າ ແມ່ນຮັບຜິດຊອບອະນຸຍາດ ການຂື້ນທະບຽນວິສາຫະກິດ ທຸລະກິດການຈຳໜ່າຍສິນຄ້າທຸກປະເພດສີນຄ້າ(ສະເພາະແຕ່ປະເພດສີນຄ້າທີ່ບໍ່
ຢູ່ໃນບັນຊີເກືອດຫ້າມການຈຳໜ່າຍ),ຮ້ານສັບພະສິນຄ້າຂະໜາດນ້ອຍ,ການຈຳໜ່າຍແບບເຄື່ອນທີ່ ແລະ ລວມທັງຮ້້ານຕັດຜົມ, ຮ້ານເສີມສວຍ ,ຮ້ານບໍລິການສ້ອມແປງ,ຈອດຢາງລົດທຸກປະເພດ , ຮ້ານບໍລິການ ກິລາກາຍະກຳ ແລະ ຮ້ານອາຫານເຄື່ອງດື່ມຂະໜາດນ້ອຍ.

ນອກຈາກນັ້ນ ແມ່ນຮັບຜິດຊອບເພີ້ມເຕີມບາງປະເພດການດຳເນີນທຸລະກິດ ທີ່ຂັ້ນພະແນກການຄ້າແຂວງ,ນະຄອນຫຼວງ
ແລະເຂດພີເສດ ຈະໄດ້ມອບໂອນການຂື້ນທະບຽນວິສາຫະກິດເປັນບາງປະເພດວິສາຫະກິດໃຫ້ແຕ່ລະຫ້ອງການຄ້າ
ເມືອງຮັບຜິດຊອບ ໂດຽອີງຕາມສະພາບເງື່ອນໃຂຂອງແຕ່ລະຫ້ອງການຄ້າເມືອງທີ່ມີຄວາມເໝາະສົມໃນການຄຸ້ມຄອງ
ແລະຈັດຕັ້ງປະຕິບັດ.

ເອກະສານປະກອບຂໍສະເຫນີຂື້ນທະບຽນວິສາຫະກິດ:
ຂະແໜງການຄ້າຈະຮັບເອົາເອກະສານ ຖ້າຫາກຜູ້ປະກອບການໄດ້ປະກອບຄົບຖ້ວນແລະຄົ້ນຄ້ວາຂື້ນທະບຽນວິສາຫະ
ກິດໃຫ້ສຳເລັດພາຍໃນ02ວັນ ໃນໂມງລັດຖະການ ທຸກໆການສະເຫນີຂື້ນທະບຽນວິສາຫະກິດຈະຕ້ອງໄດ້ປະກອບ
ເອກະສານດັ່ງນີ້ຄື

1. ສຳເນົາໃບອະນຸຍາດລົງທຶນ,ຖ້າແມ່ນການລົງທຶນຕ່າງປະເທດ ສຳລັບຜູ້ປະກອບການ ການລົງທືນ ພາຍໃນຕ້ອງ
   ມີໃບຢັ້ງຢືນເຫັນດີໃຫ້ສ້າງຕັ້ງວິສາຫະກິດ ຫຼື ມີໃບອະນຸຍາດດຳເນີນທຸລະກິດຈາກ ຂະແໜງການທີ່ກ່ຽວຂ້ອງ.

2. ການລົງທືນຕ່າງປະເທດຕ້ອງມີກົດລະບຽນຂອງວິສາຫະກິດໂດຽຜ່ານການຢັ້ງຢືນຮັບຮອງເອົາກົດລະບຽບຂອງ
   ວິສາຫະກິດນຳຂັ້ນທີ່ອອກໃບອະນຸຍາດລົງທີນ,ປະກອບສຳເນົາຂື້ນທະບຽນອາກອນ,ເສຍຄ່າທຳນຽມການ
   ຂື້ນທະບຽນວິສາຫະກິດນຳຂະແໜງການເງີນແລ້ວ ຈື່ງປະກອບສຳເນົາກົດລະບຽບໃຫ້ຂະແໜງການຄ້າໃນເວລາ
   ມາສະເຫນີ ຂໍໃບອະນຸຍາດຄ້ວດກາປະທັບນຳຂະແໜງການຄ້າ.
   ຖ້າເປັນການລົງທືນພາຍໃນສະເຫນີສ້າງຕັ້ງວິສາຫະກິດ,ເປັນຮູບການບໍລິສັດ ຈະຕ້ອງມີກົດລະບຽບເປັນຂອງ
   ວິສາຫະກິດແລະຂັ້ນທີ່ອອກທະບຽນວິສາຫະກິດຈະຕ້ອງຢັ້ງຢືນຮັບຮອງເອົາ ກົດລະບຽບຂອງວິສາຫະກິດ(ສຳລັບຮູບການວິສາຫະກິດສ່ວນບຸກຄົນບໍ່ໃຫ້ມີກົດລະບຽບ).

3. ປະກອບເອກະສານແລະຕື່ມເນື້ອໃນ ຕາມຮ່າງແບບຟອມຂອງຂະແໜງການຄ້າກຳນົດໄວ້, ຊຶ່ງຜູ້ມາພົວພັນສາ
   ມາດປະກອບໄດ້ກັບທີ່ ນຳໜ່ວຍງານຂື້ນທະບຽນ ວິສາຫະກິດ ຕາມແຕ່ລະຂັ້ນ ຮັບຜິດຊອບ ໂດຍມີເອກະສານ
   ປະກອບຄື: ຄຳຮ້ອງຂໍຂື້ນທະບຽນວິສາຫະກິດ,ໃບຊີວະປະຫວັດຫຍໍ້,ໃບແຈ້ງຊັບສົມບັດພ້ອມທັງສຳເນົາເອກະສານຢັ້ງຢືນກຳມະ
   ສີດ,ໃບມອບສິດໃນການ ພົວພັນເອກະສານ(ຖ້າຜູ້ລົງທຶນບໍ່ສາມາດມາພົວພັນໄດ້),ຮູບຂະໜາດ 3x4 ຈຳນວນ02ໃບ (ຮູບຖ່າຍບໍ່ໃຫ້ເກີນ 3 ເດືອນ) , ສຳເນົາປາສະປອດ, ສຳລັບຄົນຕ່າງປະເທດ(ຖ້າເປັນຜູ້ຈັດການຫຼືເຈົ້າຂອງວິສາຫະກິດ),ຖ້າເປັນຄົນລາວຈະຕ້ອງມີໃບແຈ້ງໂທດເລກ 3 ແລະສຳເນົາບັດປະຈຳຕົວ.

ສ່ວນການຂື້ນທະບຽນວິສາຫະກິດຂັ້ນຫ້ອງການຄ້າເມືອງຖ້າການສະເຫນີສ້າງຕັ້ງຮູບການເປັນວິສາຫະກິດສ່ວນບຸກຄົນບໍ່ມີໃບ
ແຈ້ງໂທດເລກ 3 ກໍໄດ້,ແຕ່ການຈັດຕັ້ງປະຕິບັດຖ້າຫາກຫ້ອງການຄ້າເມືອງໃດ ບໍ່ມີເງື່ອນໃຂແລະຜູ້ປະກອບການ
ຢູ່ຫ່າງໄກກໍສາມາດໄປອອກໃຫ້ກັບທີ່ກໍໄດ້.

IV.) ການອອກອະນຸຍາດຄວັດກາປະທັບ

ປະຕິບັດຕາມດຳລັດ04/ນຍ,ລົງວັນທີ07/01/98 ກ່ຽວກັບການຄຸ້ມຄອງແລະນຳໃຊ້ກາປະທັບ, ໂດຍຂະແໜງການຄ້າ
ເປັນຜູ້ຄົ້ນຄ້ວາແລະອອກໃບອະນຸຍາດຄວັດກາປະທັບໃຫ້ຫົວໜ່ວຍທຸລະກິດ ທຸກພາກສ່ວນທີ່ລະບຸໄວ້ໃນກົດໝາຍ
ວ່າດ້ວຍທຸລະກິດ,ແລະ ກະຊວງປ້ອງກັນຄວາມສະຫງົບ ເປັນຜູ້ຄວັດ,ອອກໃບອະນຸຍາດນຳໃຊ້ , ຄຸ້ມຄອງແລະກວດ
ກາການນຳໃຊ້ກາປະທັບ.

ຂັ້ນກະຊວງແລະບັນດາພະແນກການຄ້າແຂວງ, ນະຄອນຫລວງວຽງຈັນ ແລະ ເຂດພິເສດ ຈະເປັນຜູ້
ອອກໃບອະນຸຍາດຄວັດກາປະທັບໃຫ້ບັນດາຫົວໜ່ວຍທຸລະກິດ ສະເພາະແຕ່ວິສາຫະກິດທີ່ຂື້ນທະບຽນວິສາຫະກິດນຳຂັ້ນຕົນ
ເອງຮັບຜິດຊອບເທົ່ານັ້ນລວມທັງຫົວໜ່ວຍວິສາຫະກິດທີ່ຂັ້ນຫ້ອງການຄ້າເມືອງຂື້ນທະບຽນວິສາຫະກິດແມ່ນໃຫ້ມາຂໍ
ໃບອະນຸຍາດຄັວດກາປະທັບລວມສູນປະຕູດຽວນຳຂັ້ນພະແນກການຄ້າທີ່ຫ້ອງການຄ້າເມືອງຂື້ນກັບ,ສ່ວນເອກະສານປະກອບ
ເພື່ອອະນຸຍາດຄວັດກາປະທັບປະກອບມີ: ໃບທະບຽນວິສາຫະກິດ,ໃບທະບຽນອາກອນ (ພ້ອມໃບຮັບເງິນຄ່າທຳນຽມ
ຄວັດກາປະທັບຈາກຂະແໜງການເງີນ) ແລະໃບອະນຸຍາດດຳເນີນທຸລະກິດຂອງຂະແໜງການກ່ຽວຂ້ອງ,ຖ້າບໍ່ມີໃບອະ
ນຸຍາດດຳເນີນທຸລະກິດຂອງຂະແໜງການກ່ຽວຂ້ອງແຕ່ສາມາດລະບຸຊື່ຂອງ ຂະແໜງການຮັບຜິດຊອບໃນການຄຸ້ມຄອງ,
ຕິດຕາມກວດກາການເຄື່ອນໄຫວດຳເນີນທຸລະກິດຂອງວິສາຫະກິດໃສ່ເບື້ອງເທິງຂອງກາປະທັບໄດ້ ກໍສາມາດ
ອອກໃບອະນຸຍາດຄວັດກາປະທັບໃຫ້ບັນດາຫົວໜ່ວຍວິສາຫະກິດໄດ້,ສຳລັບກາປະທັບຂອງ ກຸ່ມ ຫຼື ສາມາຄົມ ຕ່າງໆ ແມ່ນໃຫ້ພະແນກການຄ້າກ່ຽວຂ້ອງເຮັດສະໂນດນຳສົ່ງໃຫ້ຂັ້ນກະຊວງອອກອະນຸມັດລວມສູນຢູ່ຂັ້ນກະຊວງປະຕູດຽວ,
ເອກະສານປະກອບມີ : ຂໍ້ຕົກລົງຂອງອົງກອນລັດທີ່ກ່ຽວຂ້ອງກັບການຄຸ້ມຄອງການສ້າງຕັ້ງ,ພ້ອມທັງຮັບຮອງເອົາກົດ
ລະບຽບຂອງກຸ່ມຫຼືສາມາຄົມ.

IV.) ການເກັບຄ່າທຳນຽມ

ການເກັບຄ່າທຳນຽມ ຂື້ນທະບຽນວິສາຫະກິດແລະໃບອະນຸຍາດຄວັດກາປະທັບ ນຳບັນດາຫົວໜ່ວຍວິສາຫະກິດແມ່ນອີງຕາມລັດຖະບັບຍັດຂອງປະທານປະເທດສະບັນເລກທີ 02/ສປປລ,ລົງວັນທີ27/11/2002 ແລະ ອີງຕາມຄຳແນະນຳສະບັບເລກທີ 031/ກງ,ລົງວັນທີ 21/2/2003 ວ່າດ້ວຍການເກັບຄ່າທຳນຽມແລະບໍລິການຕ່າງໆ ຂອງກະຊວງການເງິນ.ການຈັດຕັ້ງປະຕິບັດວຽກງານດັ່ງກ່າວຂະແໜງ
ການຄ້າຈະເຮັດສະໂນດນຳສົ່ງແຈ້ງໃຫ້ຂະແໜງການເງິນຮັບຜິດຊອບໃນການເກັບເງິນຕົວຈິງ ນຳຫົວໜ່ວຍວິສາຫະກິດ
ທີ່ໄດ້ຂື້ນທະບຽນວິສາຫະກີດເຂົ້າງົບປະມານລວມສູນປະຕູດຽວ ຊຶ່ງຂະແໜງການຄ້າມີແຕ່ຄິດໄລ່ການເກັບຄ່າທຳນຽມ
ຂອງແຕ່ລະຫົວໜ່ວຍການຂື້ນທະບຽນວິສາຫະກິດແລ້ວ ເຮັດສະໂນດນຳສົ່ງແຈ້ງໃຫ້ຂະແໜງການເງິນຮັບຜິດ
ຊອບໃນການເກັບເງິນຕົວຈິງ ນຳຫົວໜ່ວຍວິສາຫະກິດເຂົ້າງົບປະມານລວມສູນປະຕູດຽວ ແລ້ວສະຫຼຸບລາຍງານຕົວເລກ
ການເກັບຄ່າທຳນຽມການຂື້ນທະບຽນວິສາຫະກິດ ໃຫ້ຂະແໜງການເງິນ ເປັນງວດແລະປີ.

V.) ການຈັດຕັ້ງປະຕິບັດ ເພື່ອອອກໃບຢັ້ງຢືນສືບຕໍ່ນຳໃຊ້ທະບຽນວິສາຫະກິດ ແລະ ການຕິດຕາມກວດກາ ການເຄື່ອນໄຫວຂອງບັນດາຫົວໜ່ວຍທຸລະກິດໃນແຕ່ລະປີ :

ເລີ້ມແຕ່ທຸກໆເດືອນຕຸລາຂອງແຕ່ລະປີ ໃຫ້ບັນດາຫົວໜ່ວຍວິສາຫະກິດມາແຈ້ງສືບຕໍ່ເພື່ອນຳໃຊ້ທະ ບຽນວິສາຫະກິດນຳຂັ້ນທີ່ຂື້ນທະບຽນວິສາຫະກິດ,ແຕ່ກ່ອນຈະອອກໃບຢັ້ງຢືນສືບຕໍ່ໃນແຕ່ລະປີ ໜ່ວຍງານຄຸ້ມຄອງທະບຽນວິສາຫະກິດຈະຕ້ອງໄດ້ ລົງຕິດຕາມກວດກາການຂອງທຸກໆຫົວໜ່ວຍວິສາຫະ ກິດເປັນແຕ່ລະປີ,ຖ້າຫົວໜ່ວຍວິສາຫະກິດໃດບໍ່ມາແຈ້ງສືບຕໍ່ນຳໃຊ້ທະບຽນວິສາຫະກິດ.ໃນສົກປີຕໍ່ໄປ ຖ້າຮອດກຳນົດ1ປິ ນັບແຕ່ມື້ໄດ້ຮັບອະນຸຍາດສ້າງຕັ້ງຂື້ນທະບຽນວິສາຫະກິດ ຫົວໜ່ວຍວິສາຫະກິດນັ້ນຈະຖືກລົບລ້າງທະບຽນ,ແລະທະບຽນວິສາຫະກິດຈະຕົກໄປ ຕາມທີ່ໄດ້ກຳນົດໄວ້ໃນມາດຕາ19 ຂອງກົດໝາຍວ່າດ້ວຍທຸລະກິດ, ເວັ້ນເສັຍແຕ່ໄດ້ມາແຈ້ງເຫດຜົນໃຫ້ໜ່ວຍງານຄຸ້ມຄອງທະບຽນຮັບຊາບລ່ວງໜ້າກ່ອນ01ເດືອນ.

ຖ້າຫົວໜ່ວຍວິສາຫະກິດໃດບໍ່ໄດ້ມາແຈ້ງສືບຕໍ່ນຳໃຊ້ທະບຽນວິສາຫະກິດໃນສົກປີຜ່ານມາຈະຕ້ອງໄດ້ແຈ້ງອອກສູ່ຊື່ມວນ
ຊົນຮັບຊາບພາຍໃນ 30 ວັນ ແລ້ວຍັງບໍ່ມາພົວພັນຂະແໜງການຄ້າຈະຖືເປັນບ່ອນອີງແຈ້ງໃຫ້ຂະແໜງການ
ເງິນບໍ່ອອກໃບທະບຽນອາກອນໃນສົກປີຕໍ່ໄປ ແລະ ແຈ້ງໃຫ້ທຸກຂະແໜງການກ່ຽວຂ້ອງ ບໍ່ອອກໃບອະນຸຍາດດຳເນີນທຸລະກິດໃນສົກປີຕໍ່ໄປ,ພ້ອມທັງລົບລ້າງທະບຽນວິສາຫະກິດດັ່ງກ່າວ ຖ້າຫາກວິສາຫະກິດ
ໃດມີການດຳເນີນທຸລະກິດດ້ານຂະແໜງການຄ້າ ແມ່ນໃຫ້ທຸກພາກສ່ວນຂອງຂະແໜງການຄ້າບໍ່ໃຫ້ອອກ
ໃບອະນຸຍາດຕ່າງໆ,ແຕ່ມີເງື່ອນໃຂໃນການປະກອບເອກະສານຂໍຂື້ນທະບຽນວິສາຫະກິດໃໝ່ນຳຂະແໜງການຄ້າຕາມລະ
ບຽບການກຳນົດໄວ້ .

VI.):ການສະຫລຸບລາຍງານຜົນການຈັດຕັ້ງປະຕິບັດ:
ການຄຸ້ມຄອງ,ຂື້ນທະບຽນ,ຕິດຕາມກວດກາ ບັນດາຫົວໜ່ວຍວິສາຫະກິດ ໃຫ້ສະຫລຸບສັງລວມລາຍງານປະຈຳງວດແລະປີ,
ສົ່ງໃຫ້ກົມການຄ້າພາຍໃນ ເພື່ອສັງລວມສະຖິຕິ ການຄຸ້ມຄອງຫົວໜ່ວຍທຸລະກິດໃນຂອບເຂດທົ່ວປະເທດ.
ບົດແນະນຳສະບັບນີ້ມີຜົນສັກສິດນັບແຕ່ມື້ລົງລາຍເຊັ່ນນີ້ເປັນຕົ້ນໄປແລະຄຳສັ່ງແນະນຳຈັດຕັ້ງປະຕີບັດກ່ຽວກັບການຄຸ້ມຄອງ,
ຂື້ນທະບຽນວິສາຫະກິດຜ່ານມາລ້ວນແຕ່ຖືກຍົກເລີກ.

ລັດຖະມົນຕີ ກະຊວງ ການຄ້າ

ສຳເນົານຳສົ່ງ:
- ຫ້ອງວ່າການ ສູນກາງພັກ “ເພື່ອລາຍງານ”
- ຫ້ອງວ່າການສຳນັກງານນາຍົກ “ເພື່ອລາຍງານ”
- ຄະນະກຳມະການ ແຜນການແລະການລົງທຶນ “ເພື່ອລາຍງານ”
- ກະຊວງການເງິນ “ເພື່ອຊາບ”
- ບັນດາກະຊວງແລະຂະແໜງການກ່ຽວຂ້ອງ “ເພື່ອຊາບ”
- ບັນດາກົມອ້ອມຂ້າງກະຊວງ “ເພື່ອຊາບ”
- ສຳເນົາ