ການນຳເຂົ້າ ແລະ ສົ່ງອອກ > ກົດໝາຍ ແລະ ລະບຽບການນຳເຂົ້າ ແລະສົ່ງອອກ > ກົດໝາຍພາສີ

ພາກທີ V
ການເກັບສິນຄ້າເຄື່ອງຂອງໄວ້ໃນການຄວບຄຸມ
ສະເພາະຂອງພາສີ

1ຫມວດທີ 1
¬ສິນຄ້າເຄື່ອງຂອງທີ່ຕ້ອງເກັບໄວ້ໃນການຄວບ
¬ຄຸມສະເພາະຂອງພາສີ

ມາດຕາ 52. ສິນຄ້າເຄື່ອງຂອງ ທີ່ຕ້ອງເກັບໄວ້ໃນການຄວບຄຸມສະເພາະຂອງພາສີ ມີຄື:
ສິນຄ້າເຄື່ອງຂອງ ທີ່ບໍ່ໄດ້ນຳໄປແຈ້ງພາສີເປັນລາຍລະອຽດ ຕາມກຳນົດເວລາ ທີ່ໄດ້ບົ່ງໄວ້ໃນມາດ ຕາ 17 ຂອງກົດຫມາຍພາສີສະບັບນີ້;
¬ສິນຄ້າເຄື່ອງຂອງ ທີ່ຄ້າງສາງດ້ວຍສາເຫດອື່ນ;
ສິນຄ້າເຄື່ອງຂອງ ທີ່ກ່າວຂ້າງເທິງນີ້ ຈະຕ້ອງຈົດເຂົ້າໃນປື້ມບັນທຶກສະເພາະຂອງພາສີ. ສ່ວນຄ່າຝາກສາງ, ການເປ່ເພເສັຽຫາຍ ຫລືເສັຽຄຸນນັ້ນ ຍັງແມ່ນຢູ່ໃນຄວາມຮັບຜິດຊອບຂອງຜູ້ເປັນເຈົ້າຂອງ ຂອງສິນ ຄ້າເຄື່ອງຂອງ.
ເຈົ້າຫນ້າທີ່ພາສີມີສິດເປີດຫີບຫໍ່ສິນຄ້າເຄື່ອງຂອງ ທີ່ຢູ່ໃນການຄວບຄຸມສະເພາະຂອງພາສີໂດຍຊ້ອງ ຫນ້າຜູ້ເປັນເຈົ້າຂອງ ຫລື ພະຍານສາມຄົນ ຊຶ່ງບໍ່ແມ່ນບຸກຄົນທີ່ສັງກັດຢູ່ໃນລັດຖະການພາສີ. ຖ້າວ່າສິນຄ້າເຄື່ອງ ຂອງນັ້ນ ຫາກບໍ່ມີມູນຄ່າຊື້ຂາຍໄດ້ ລັດຖະການພາສີອາດຈະທຳລາຍຖິ້ມ ຕາມລະບຽບການກໍໄດ້.

ມາດຕາ 53. ນັບແຕ່ມື້ໄດ້ຈົດສິນຄ້າເຄື່ອງຂອງໄວ້ໃນປຶ້ມບັນທຶກສະເພາະຂອງພາສີເປັນຕົ້ນໄປເຈົ້າຂອງສິນຄ້າເຄື່ອງຂອງ ມີສິດຮ້ອງຂໍເອົາສິນຄ້າເຄື່ອງຂອງນັ້ນຄືນພາຍໃນກຳນົດສີ່ເດືອນ ແຕ່ຕ້ອງ:
¬ຊຳລະຄ່າປັບໃຫມຕາມທີ່ໄດ້ກຳນົດໄວ້ໃນມາດຕາ 9O ຂອງກົດຫມາຍສະບັບນີ້ສຳລັບສິນຄ້າເຄື່ອງ ຂອງ ທີ່ມີຈຸດປະສົງນຳອອກຄືນໄປຍັງຕ່າງປະເທດ,ນຳເຂົ້າລະບອບສາງ ຫລືນຳເຂົ້າເຂດປອດພາສີ;
ຊຳລະຄ່າພາສີ ແລະຄ່າປັບໃຫມຕາມທີ່ໄດ້ກຳນົດໄວ້ໃນມາດຕາ 9O ຂອງກົດຫມາຍສະບັບນີ້ ສຳລັບ ສິນຄ້າເຄື່ອງຂອງ ທີ່ມີຈຸດປະສົງນຳເຂົ້າມາຊົມໃຊ້ຢູ່ພາຍໃນປະເທດ.

ຫມວດ ທີ 2
ການຮິບສິນຄ້າເຄື່ອງຂອງທີ່ເກັບໄວ້ໃນການຄວບຄຸມ
¬ສະເພາະຂອງພາສີ

ມາດຕາ 54. ສຳລັບສິນຄ້າເຄື່ອງຂອງ ທີ່ຢູ່ໃນການຄວບຄຸມສະເພາະຂອງພາສີ ຊຶ່ງເຊື່ອມຄຸນນະພາບ, ເສັຽຄຸນໄວ,ມີຄວາມຫຍຸ້ງຍາກ ຫລືບໍ່ເຫມາະໃນການເກັບມ້ຽນໄວ້ໃນສາງ ລັດຖະການພາສີ ຈະນຳອອກປະກາດຂາຍ ຕາມມາດຕາ 17 ເທິງນີ້ໂດຍທັນທີກໍໄດ້ ແລ້ວຫັກຄ່າປັບໃຫມຕາມມາດຕາ 9O ຂອງກົດ ຫມາຍສະບັບນີ້ພ້ອມທັງຄ່າພາສີ ແລະຄ່າສິ້ນເປືອງຕ່າງໆອອກ.ສ່ວນເງິນທີ່ເຫລືອນັ້ນ ລັດຖະການພາສີຈະຮັກສາ ໄວ້ລໍຖ້າເຈົ້າຂອງ ໃນກຳນົດ ສີ່ເດືອນ ນັບແຕ່ມື້ໄດ້ຈົດສິນຄ້າເຄື່ອງຂອງເຂົ້າປຶ້ມບັນທຶກສະເພາະຂອງພາສີເປັນ ຕົ້ນໄປ. ຖ້າເກີນກຳນົດດັ່ງກ່າວເງິນນັ້ນ ຈະມອບເຂົ້າງົບປະມານຂອງລັດ.

ມາດຕາ 55. ສິນຄ້າເຄື່ອງຂອງທີ່ເກັບໄວ້ໃນການຄວບຄຸມສະເພາະຂອງພາສີ ເກີນ ກຳນົດ ສີ່ ເດືອນ ໂດຍບໍ່ມີເຈົ້າຂອງມາທວງທາວເອົານັ້ນ ລັດຖະການພາສີຈະຮິບເປັນຂອງລັດ ແລະ ຂາຍອອກ ຕາມລະບຽບການ ດັ່ງທີ່ໄດ້ກຳນົດໄວ້ໃນມາດຕາ 17 ຂອງກົດຫມາຍສະບັບນີ້. ສິນຄ້າເຄື່ອງຂອງທີ່ຖືກຂາຍອອກ ນັ້ນ ຈະບໍ່ໄດ້ຖືກຄິດໄລ່ ຄ່າພາສີ ເຂົ້ານຳ.ເງິນທີ່ໄດ້ຮັບຈາກການຂາຍ ພາຍຫລັງຫັກຄ່າໃຊ້ຈ່າຍສິ້ນເປືອງຕ່າງໆ ທີ່ຖືກຕ້ອງຕາມກົດຫມາຍອອກແລ້ວ ຈະມອບເຂົ້າງົບປະມານຂອງລັດ.