ການສ້າງຕັ້ງ ແລະ ດຳເນີນທຸລະກິດໃດໜຶ່ງ ປະກອບມີຄ່າໃຊ້ຈ່າຍປະເພດຕ່າງໆ ເຊິ່ງທ່ານຈະຕ້ອງໄດ້ຄາດ
ຄະເນລ່ວງໜ້າ ແລະວາງແຜນໃສ່ການລົງທຶນ. ການວາງແຜນງົບປະມານ ສຳລັບການໃຊ້ຈ່າຍໃນແຕ່ລະບ້ວງ
ຂອງການດຳເນີນ ທຸລະກິດກໍ່ແມ່ນວິທີການ ຈະຊ່ວຍໃຫ້ທ່ານສາມາດ ຄຸ້ມຄອງດ້ານການເງິນຂອງທຸລະກິດໄດ້.

ງົບປະມານ/ການລົງທຶນໃນທຸລະກິດ
ເລີ້ມຕັ້ງແຕ່ການສ້າງຕັ້ງທຸລະກິດ ທ່ານຈະມີຄ່າໃຊ້ຈ່າຍທີ່ອາດ ຈັດເປັນ ປະເພດຕ່າງໆເຊັ່ນ: ຄ່າໃຊ້ຈ່າຍ ຫລື ທຶນສຳລັບ ຊັບສິນຄົງທີ່, ສຳລັບທຶນໝູນວຽນ ແລະ ໃຊ້ຈ່າຍອື່ນໆ. ທ່ານສາມາດ ກົດຢູ່ນີ້ ເພື່ອເອົາບາງລາຍ
ການຄ່າໃຊ້ຈ່າຍພື້ນຖານໃນການດຳເນີນທຸລະກິດ ແລະ ຕົວຢ່າງແບບຟອມລາຍການ ການລົງທຶນໂຄງການ
ທຸລະກິດ.

ການວາງແຜນງົບປະມານ
ທ່ານຄວນມີການວາງແຜນການ ການນຳໃຊ້ເງິນ ໂດຍຈັດແບ່ງເປັນ ບ້ວງການໃຊ້ຈ່າຍ ຕ່າງໆ ທີ່ຕິດພັນກັບ
ການດຳເນີນທຸລະກິດ. ແຜນດັ່ງກ່າວອາດວາງເປັນງວດ ປະຈຳເດືອນ, ປະຈຳໄຕມາດ ຫລື ປະຈຳປີ. ແຜນການເງິນ ຫລື ແຜນງົບປະມານນີ້ ຈະເປັນບ່ອນອິງ ໃນການຄວບຄຸມການໃຊ້ຈ່າຍ ແລະ ສາມາດຊອກ
ຫາຊ່ອງທາງເພື່ອ ແກ້ໄຂ ຫາກມີການນຳໃຊ້ບໍ່ສອດຄ່ອງກັບແຜນ. ກົດຢູ່ນີ້ເພື່ອຮຽນຮູ້ ກ່ຽວກັບ ປະໂຫຍດຂອງ
ການ ວາງແຜນງົບປະມານ, ບາດກ້າວ ແລະ ລາຍການບ້ວງງົບປະມານຕ່າງໆ.