ພາກທີ V
ການຈັດຕັ້ງ, ສິດ ແລະຫນ້າທີ່ຂອງຄະນະກຳມະການປະມູນ

ມາດຕາ20: ການແຕ່ງຕັ້ງຄະນະກຳມະການປະມູນ.

ທຸກໆຮູບການປະມູນຈັດຊື້ທີ່ກຳນົດໃນ ພາກທີ II ແລະ III ແລະIV ຕ້ອງໄດ້ແຕ່ງຕັ້ງຄະນະ ກຳມະການປະມູນຂື້ນ
ໂດຍແມ່ນອົງການຈັດຕັ້ງປະຕິບັດໂຄງການຢູ່ຂັ້ນສູນກາງ ຫລືທ້ອງຖີ່ນນັ້ນເປັນຜູ້ແຕ່ງຕັ້ງ ແລະຄະນະກຳມະການດັ່ງ
ກ່າວຕ້ອງປະຕິບັດຕາມລະບຽບການຈັດຕັ້ງປະຕິບັດນີ້ຢ່າງເຂັ້ມງວດ. ໃນກໍລະນີການສະເຫນີຮັບຮອງເອົາຜູ້ຊະນະການ
ປະມູນບໍ່ແມ່ນຜູ້ທີ່ສະເຫນີລາຄາຕ່ຳນັ້ນ ແລະກ່ອນການຮັບຮອງເອົາຜູ້ຊະນະການປະມູນ, ຄະນະກຳມະການປະມູນ
ຕ້ອງສະເຫນີ ຂໍຄຳຄິດຄຳເຫັນ ແລະຄຳແນະນຳຈາກຫົວຫນ້າຫ້ອງການຄຸ້ມຄອງຕິດຕາມການຈັດຊື້ກ່ຽວກັບການນຳໃຊ້
ຮູບການປະມູນໃຫ້ຖືກຕ້ອງ. ການຕົກລົງຂອງຄະນະກຳມະການ ປະມູນຕ້ອງໄດ້ຮັບຮອງໂດຍສອດຄ່ອງຕາມທີ່ກຳນົດ
ໄວ້ໃນມາດຕາ 22 ຂ້າງລຸ່ມນີ້, ຖ້າຫາກ ການປະມູນ ລະເມີດລະບຽບການຈັດຕັ້ງປະຕິບັດສະບັບນີ້, ການຮັບຮອງດັ່ງ
ກ່າວຕ້ອງໄດ້ໂຈະໄວ້.

ມາດຕາ 21: ຄະນະກຳມະການປະມູນ ຕ້ອງປະກອບດ້ວຍ:

1. ສຳລັບການປະມູນເປີດກ້ວາງ ຫລືການປະມູນສາກົນ, ຄະນະກຳມະການປະມູນ ຕ້ອງປະກອບ ມີ 5 ຫາ 9ທ່ານ. ຂັ້ນສູນກາງແມ່ນທ່ານລັດຖະມົນຕີວ່າການ ຫລືຜູ້ໄດ້ຮັບການມອບສິດຂອງອົງການຈັດຕັ້ງປະຕິບັດ ໂຄງການນັ້ນເປັນຜູ້ ແຕ່ງຕັ້ງ ແລະຂັ້ນທ້ອງຖີ່ນແມ່ນເຈົ້າແຂວງ ຫລືຜູ້ທີ່ໄດ້ຮັບການມອບສິດເປັນຜູ້ແຕ່ງຕັ້ງ.

• ຂັ້ນກະຊວງ ແລະອົງການທຽບເທົ່າຕ້ອງມີຜູ້ຕາງໜ້າກະຊວງ ແລະຜູ້ຈັດຊື້ ຫລືເຈົ້າຂອງໂຄງການ ແຕ່ 1 ຫາ3ທ່ານ, ຜູ້ຕາງໜ້າກະຊວງການເງິນ 1 ທ່ານ, ຄະນະກຳມະການແຜນການ ແລະ ການຮ່ວມມື 1ທ່ານ, ບັນດາກົມ ວິຊາການທີ່ກ່ຽວຂ້ອງບ່ອນລະ 1 ທ່ານ ແລະກະຊວງການຕ່າງປະ ເທດ (ກົມຮ່ວມມືເສດຖະກິດ ກັບຕ່າງປະເທດ) 1ທ່ານສະເພາະການປະມູນຈັດຊື້ທີ່ນຳໃຊ້ທືນກູ້ຢືມ ແລະຊວ່ຍເຫລືອລ້າຈາກຕ່າງປະເທດ.
  
• ຂັ້ນແຂວງຕ້ອງມີຜູ້ຕາງຫນ້າຫ້ອງວ່າການແຂວງ ແລະຕາງຫນ້າຜູ້ຈັດຊື້ ຫລືເຈົ້າຂອງ ໂຄງການແຕ່ 1 ຫາ 3 ທ່ານ, ຜູ້ຕາງຫນ້າພະແນກການເງິນແຂວງ 1ທ່ານ, ຜູ້ຕາງຫນ້າພະແນກແຜນການ ແລະ ການຮ່ວມມືແຂວງ 1ທ່ານ, ຕາງຫນ້າ ຫນ່ວຍງານ ວິຊາການ ທີ່ກ່ຽວຂ້ອງ ບ່ອນລະ 1 ທ່ານ.
   
2. ສຳລັບການການເຈລະຈາໂດຍກົງ ແລະການປະມູນວົງແຄບ. ຄະນະກຳມະການປະມູນ ຕ້ອງ ປະກອບດ້ວຍ 3 ຫາ 5 ທ່ານໂດຍແມ່ນ ລັດຖະມົນຕີວ່າການ ຫລືຜູ້ໄດ້ຮັບການມອບ ສິດຂອງອົງການຈັດຕັ້ງປະຕິບັດໂຄງ ການນັ້ນເປັນຜູ້ແຕ່ງຕັ້ງ ແລະຂັ້ນທ້ອງຖີ່ນແມ່ນເຈົ້າແຂວງ ຫລືຜູ້ທີ່ໄດ້ຮັບການມອບ ສິດເປັນຜູ້ແຕ່ງຕັ້ງ.
   
   • ຂັ້ນກະຊວງ ແລະອົງການທຽບເທົ່າຕ້ອງມີຜູ້ຕາງຫນ້າຫ້ອງການກະຊວງ 1ທ່ານ, ຜູ້ຕາງຫນ້າກົມ ການເງິນ ຫລືຫ້ອງການການເງິນ 1ທ່ານ, ຜູ້ຈັດຊື້ ຫລືເຈົ້າຂອງໂຄງການ 1ທ່ານ ຫລືຜູ້ຕາງຫນ້າ ຂະແຫນງວິຊາການກ່ຽວຂ້ອງບ່ອນລະ 1ທ່ານ.
     
   • ຂັ້ນແຂວງ ຕ້ອງມີຜູ້ຕາງຫນ້າຫ້ອງວ່າການແຂວງ 1 ທ່ານ, ຜູ້ຕາງຫນ້າພະແນກການເງິນ ແຂວງ 1 ທ່ານ, ຕາງຫນ້າຜູ້ຈັດຊື້ ຫລືເຈົ້າຂອງໂຄງການ 1ທ່ານ ຫລືຜູ້ຕາງຫນ້າຂະແຫນງວິຊາການກ່ຽວ ຂ້ອງບ່ອນລະ 1 ທ່ານ.
      
3. ໃນກໍລະນີການສົມທຽບລາຄາ, ຄະນະກຳມະການ ຕ້ອງປະກອບດ້ວຍ 3 ຫາ 5 ທ່ານໂດຍແມ່ນຫົວຫນ້າ ຫ້ອງການກະຊວງ ຫລືຜູ້ໄດ້ຮັບການມອບສິດຂອງອົງການຈັດຕັ້ງປະຕິບັດໂຄງການນັ້ນເປັນຜູ້ແຕ່ງຕັ້ງ ແລະ ຂັ້ນທ້ອງຖີ່ນແມ່ນຫົວຫນ້າຫ້ອງວ່າການແຂວງ ຫລືຜູ້ທີ່ໄດ້ຮັບການມອບສິດເປັນຜູ້ແຕ່ງຕັ້ງ.
   
   • ຂັ້ນກະຊວງ ຫລືອົງການທຽບເທົ່າ ຕ້ອງມີຜູ້ຕາງຫນ້າ ຫ້ອງການກະຊວງ 1 ທ່ານ, ຜູ້ຕາງ
     ຫນ້າກົມ ການເງິນ ຫລືຫ້ອງການການເງິນ 1ທ່ານ, ຜູ້ຕາງຫນ້າຜູ້ຈັດຊື້ ຫລືເຈົ້າຂອງໂຄງການ 1ທ່ານ. ໃນ ກໍລະນີຊື້ສີນຄ້າເພື່ອເປົ້າໝາຍ ສະເພາະກົມໃດນື່ງ ຫລືຫຼາຍກົມແມ່ນໃຫ້ຜູ້ ຕາງໜ້າ
     ຈາກກົມນັ້ນເຂົ້າຮ່ວມຕື່ມອີກກົມລະ 1 ຄົນ.
      
   • ຂັ້ນແຂວງ ຕ້ອງມີຜູ້ຕາງຫນ້າຫ້ອງວ່າການແຂວງ 1 ທ່ານ, ຜູ້ຕາງຫນ້າພະແນກ ການເງິນແຂວງ 1 ທ່ານ, ຜູ້ຕາງຫນ້າຜູ້ຈັດຊື້ ຫລືເຈົ້າຂອງໂຄງກການ 1ທ່ານ ຫລືຜູ້ຕາງຫນ້າຂະແຫນງວິຊາການ ກ່ຽວຂ້ອງບ່ອນລະ 1 ທ່ານ.
      
   • ຫົວຫນ້າຫ້ອງການກະຊວງ ຫລືຫົວຫນ້າຫ້ອງວ່າການແຂວງມີສິດມອບຫມາຍໃຫ້ຜູ້ຈັດຊື້ ຫລືເຈົ້າ ຂອງໂຄງການເປັນຜູ້ຮັບຜິດຊອບໃນການແຕ່ງຕັ້ງຄະນະກຳມະການສົມທຽບລາຄາ.
      
4. ສຳລັບວິສາຫະກິດຂອງລັດ, ຄະນະກຳມະການປະມູນ ແຕ່ລະຮູບການປະມູນ ຕ້ອງປະກອບດ້ວຍ 3 ຫາ 5 ທ່ານໂດຍແມ່ນອຳນວຍການວິສາຫະກິດ ຫລືຜູ້ໄດ້ຮັບການມອບສິດເປັນຜູ້ແຕ່ງຕັ້ງ, ຊື່ງປະກອບດ້ວຍພາກ ສ່ວນຕ່າງໆທີ່ມີການພົວພັນ ໃນວິສາຫະກິດຂອງ ລັດນັ້ນ. ໃນກໍລະນີນຳໃຊ້ເງິນກູ້ຢືມຕໍ່ຈາກກະຊວງການເງິນ ຕ້ອງມີຜູ້ຕາງຫນ້າຈາກກະຊວງການເງິນເຂົ້າຮ່ວມນຳ 1ທ່ານ.

ມາດຕາ 22: ການພິຈາລະນາຮັບຮອງເອົາຜົນການປະມູນ.

1. ສັນຍາມູນຄ່າສູງກ່ວາ 50ຕື້ກີບພາຍຫລັງສຳເລັດການປະເມີນການປະມູນແລ້ວ, ຜູ້ຈັດຊື້ຈະສະເຫນີບົດລາຍ ງານການປະເມີນການປະມູນຂອງຄະນະກຳມະການຫາລັດຖະມົນຕີວ່າການກະຊວງກ່ຽວຂ້ອງ ຫລືຜູ້ທີ່ໄດ້ຮັບ ການມອບຫມາຍ. ລັດຖະມົນຕີກະຊວງກ່ຽວຂ້ອງຕ້ອງໄດ້ຈັດກອງປະຊຸມ ໂດຍເຊີນເອົາຜູ້ຕາງຫນ້າຈາກກະ ຊວງການເງິນ, ຫ້ອງການ ຄູ້ມຄອງຕິດຕາມການຈັດຊື້ ເພື່ອຮັບຮອງເອົາການປະເມີນການປະມູນເບື້ອງຕົ້ນ. ຫລັງຈາກນັ້ນລັດຖະມົນຕີກະຊວງກ່ຽວຂ້ອງສະເຫນີລາຍງານຫົວຫນ້າຫ້ອງວ່າການສຳນັກງານນາຍົກລັດຖະ ມົນຕີເພື່ອພິຈາລະນາຮັບ ຮອງເອົາຜົນການປະມູນສຸດທ້າຍ.  

2. ສັນຍາມູນຄ່າສູງກ່ວາ 10ຕື້ ຫາ 50ຕື້ກີບ, ຢູ່ຂັ້ນສູນກາງ, ພາຍຫຼັງສຳເລັດການປະເມີນ ການປະມູນ
   ແລ້ວ,ຜູ້ຈັດຊື້ຈະສະເຫນີບົດລາຍງານການປະເມີນການປະມູນຂອງ ຄະນະກຳມະການຫາລັດຖະມົນ
   ຕີວ່າການກະ ຊວງກ່ຽວຂ້ອງ ຫລືຜູ້ທີ່ໄດ້ຮັບການມອບ ຫມາຍເພື່ອຕັດສີນແລະຮັບຮອງເອົາຜົນການ
   ປະມູນສຸດທ້າຍ. ລັດ ຖະມົນຕີກະຊວງກ່ຽວ ຂ້ອງຕ້ອງໄດ້ຈັດກອງປະຊຸມ ໂດຍເຊີນເອົາ ຜູ້ຕາງ ຫນ້າ
   ຈາກກະຊວງການເງິນ, ຫ້ອງ ການຄູ້ມຄອງຕິດຕາມການ ຈັດຊື້ເພື່ອຮັບຮອງເອົາຜົນການປະມູນສຸດທ້າຍ.  

3. ສັນຍາມູນຄ່າສູງກ່ວາ 1 ຕື້ ຫາ 10ຕື້ກີບ, ພາຍຫຼັງສຳເລັດການປະເມີນການປະມູນແລ້ວ ຂັ້ນສູນກາງ
   ຕ້ອງ ແມ່ນລັດຖະມົນຕີຊ່ວຍວ່າການ ຫລືຜູ້ທີ່ໄດ້ຮັບການມອບສິດ ເປັນຜູ້ຕົກ ລົງຮັບຮອງເອົາຜົນ
   ການປະມູນສຸດ ທ້າຍ. ຢູ່ຂັ້ນແຂວງ ຕ້ອງ ແມ່ນເຈົ້າແຂວງ ຫລືຜູ້ໄດ້ຮັບ ການມອບສິດ ເປັນຜູ້ຕົກ
   ລົງຮັບຮອງເອົາຜົນການ ປະມູນ.  

4. ສຳລັບສັນຍາມູນຄ່າບໍ່ເກີນ 1ຕື້ກີບ, ພາຍຫຼັງສຳເລັດການປະເມີນການປະມູນແລ້ວ ຂັ້ນສູນກາງຕ້ອງແມ່ນ ຫົວຫນ້າຫ້ອງການກະຊວງ ຫລືຜູ້ທີ່ໄດ້ຮັບການມອບສິດເປັນຜູ້ຕົກລົງຮັບຮອງເອົາຜົນການປະມູນ. ຂັ້ນແຂວງ ຫົວຫນ້າ ຫ້ອງວ່າການແຂວງ ຫລືຜູ້ໄດ້ ຮັບການມອບສິດເປັນຜູ້ຕົກລົງຮັບຮອງເອົາຜົນ
   ການປະມູນ.  

5. ສຳລັບວິສາຫະກິດຂອງລັດແມ່ນອຳນວຍການ ຫລືຜູ້ໄດ້ຮັບການມອບສິດເປັນຜູ້ຕົກລົງຮັບຮອງເອົາຜົນການ ປະມູນ.