ພາກທີ IX
ບົດບັນຍັດສຸດທ້າຍ

ມາດຕາ 37: ການຈັດຕັ້ງປະຕິບັດ.
ບັນດາອົງການຈັດຕັ້ງຂອງລັດ, ລວມທັງວິສາຫະກິດຂອງລັດ ຕ້ອງປະຕິບັດຕາມລະບຽບ ການຈັດຕັ້ງປະຕິບັດ ສະບັບນີ້ຢ່າງເຂັ້ມງວດ.ກະຊວງການເງິນ, ຫ້ອງການຄູ້ມຄອງຕິດຕາມການຈັດຊື້ ໄດ້ຮັບການມອບຫມາຍໃຫ້
ຈັດຕັ້ງເຜີຍແຜ່ການນຳໃຊ້ ລະບຽບການຈັດຕັ້ງປະຕິບັດນີ້ ຢ່າງເຕັມສ່ວນ ແລະສອດຄ່ອງຕາມຂໍ້ກຳນົດຂອງ
ດຳລັດເລກທີ 03/ນຍ, ລົງວັນທີ 9 ມັງກອນ 2004. ພາລະບົດບາດ, ໂຄງປະກອບແລະຂອບເຂດສິດຂອງ
ຫ້ອງການຄູ້ມຄອງຕິດຕາມການຈັດຊື້ຕ້ອງໄດ້ ກຳນົດ ແລະປະກາດໃຊ້ເປັນທາງການ ໂດຍກະຊວງການເງິນ.

ມາດຕາ 38: ການປັບປຸງ ຫລືປ່ຽນແປງ.
ລະບຽບການຈັດຕັ້ງປະຕິບັດສະບັບນີ້ ສາມາດປັບປຸງໄດ້ໂດຍລັດຖະມົນຕີວ່າການ ກະຊວງການເງິນບົນພື້ນຖານ ການຮຽກຮ້ອງຂອງກະຊວງ ຫລືອົງການທຽບເທົ່າ ແລະການສະເຫນີຂອງຫ້ອງການຄູ້ມຄອງຕິດຕາມການຈັດຊື້.

ມາດຕາ 39: ຜົນສັກສິດ.
ລະບຽບການຈັດຕັ້ງປະຕິບັດສະບັບນີ້ ປ່ຽນແທນລະບຽບການຈັດຕັ້ງປະຕິບັດ ສະບັບເລກ ທີ 1639/ກງ,ລົງວັນທີ
22 ທັນວາ 1998 ແລະມີຜົນສັກສິດນັບແຕ່ມື້ລົງລາຍເຊັນເປັນ ຕົ້ນໄປ.

ລັດຖະມົນຕີວ່າ ການກະຊວງການເງິນ


ຈັນສີ ໂພສີຄຳ