ພາກທີ VII
ສັນຍາ

ມາດຕາ 30: ການເຊັນສັນຍ

1. ຫຼັງຈາກໄດ້ຕົກລົງເຊັນສັນຍາ ກັບຜູ້ຊະນະການປະມູນ ຕາມຮູບການປະມູນໃດນື່ງໃນມາດຕາ 4 ຫາ 12, ຄູ່ສັນ ຍາຕ້ອງເຊັນສັນຍາເປັນລາຍລັກອັກສອນ ເພື່ອເປັນການຜູກມັດທັງສອງຝ່າຍ. ກ່ອນການເຊັນສັນຍາ, ຜູ້ຈັດຊື້ ຫລື ເຈົ້າຂອງໂຄງການຕ້ອງໄດ້ກວດກາຄືນວ່າຜູ້ຊະນະການປະມູນບໍ່ໄດ້ມີການປ່ຽນແປງຫຍັງ (ສະພາບທາງດ້ານຄຸນນະ
   ວຸດທິ)ເລີ້ມຈາກເວລາທີ່ໄດ້ຍື່ນສະເຫນີປະມູນວ່າຍັງມີຄວາມສາມາດແລະມີຄຸນນະວຸດທິພຽງພໍໃນການຈັດຕັ້ງປະຕິບັດ ສັນຍາໄດ້. ຖ້າຫາກມີການປ່ຽນແປງດ້ານຄຸນວຸດທິ, ຄະນະກຳມະການປະມູນຈະຕ້ອງໄດ້ພິຈາລະນາແລະສະເຫນີຕົກ ລົງປະກາດຜູ້ຊະນະການປະມູນຄືນໃຫມ່ໂດຍແມ່ນ ບໍລິສັດທີ່ໄດ້ລະດັບຖັດລົງມາ.  

2. ເອກະສານສັນຍາຕ້ອງເຊັນໂດຍຜູ້ຕາງໜ້າທີ່ໄດ້ຮັບການມອບຫມາຍຈາກອົງການຈັດຕັ້ງປະຕິບັດໂຄງການ ( ກະ ຊວງ, ອົງການທຽບເທົ່າ ຫລືແຂວງ ) ແລະຜູ້ຕາງຫນ້າບໍລິສັດ ທີ່ໄດ້ມອບຫມາຍຈາກບໍລິສັດ ຕາມລາຍລະອຽດ ດັ່ງນີ້:

• ສຳລັບສັນຍາມູນຄ່າສູງກ່ວາ 10ຕື້ກີບຂື້ນໄປ, ແມ່ນລັດຖະມົນຕີວ່າການ ຫລືຜູ້ໄດ້ຮັບການມອບສິດເປັນຜູ້ ເຊັນສັນຍາ

• ສຳລັບສັນຍາມູນຄ່າສູງກວ່າ 5ຕື້ຫາ 10ຕື້ກີບ, ຂັ້ນສູນກາງຕ້ອງແມ່ນລັດຖະມົນຕີຊ່ວຍວ່າການ ຫລືຜູ້ໄດ້ ຮັບການມອບສິດ, ຂັ້ນແຂວງແມ່ນເຈົ້າແຂວງ ຫລືຜູ້ໄດ້ ຮັບການ ມອບສິດເປັນຜູ້ເຊັນສັນຍາ.
   

• ສຳລັບສັນຍາມູນຄ່າສູງກວ່າ 500ລ້ານຫາ 5ຕື້ກີບ, ຂັ້ນສູນກາງຕ້ອງແມ່ນຫົວຫນ້າຫ້ອງການ ຫລືຜູ້ໄດ້ຮັບ ການມອບສິດ, ຂັ້ນແຂວງ ແມ່ນຫົວຫນ້າຫ້ອງວ່າການ ແຂວງ ຫລືຜູ້ໄດ້ຮັບການມອບສິດເປັນຜູ້ເຊັນສັນຍາ.

•  ສຳລັບສັນຍາມູນຄ່າບໍ່ເກີນ 500ລ້ານກີບ, ຂັ້ນສູນກາງແມ່ນຫົວຫນ້າກົມກ່ຽວຂ້ອງ ຫລືຜູ້ໄດ້ຮັບການມອບ ສິດເປັນຜູ້ເຊັນສັນຍາ, ຂັ້ນແຂວງແມ່ນຫົວຫນ້າຂະແຫນງການກ່ຽວຂ້ອງຂອງແຂວງ ຫລືຜູ້ໄດ້ຮັບການມອບ ສິດເປັນຜູ້ເຊັນສັນຍາ.  

• ສຳລັບວິສາຫະກິດຂອງລັດ ແມ່ນອຳນວຍການ ຫລືຜູ້ໄດ້ຮັບການມອບສິດເປັນຜູ້ ເຊັນສັນຍາ.

3. ໃນກໍລະນີ ຄູ່ສັນຍາບໍ່ສາມາດເຊັນສັນຍາໃນເວລາດຽວກັນໄດ້:
   
   • ຜູ້ຈັດຊື້ ຫລືເຈົ້າຂອງໂຄງການຕ້ອງສົ່ງເອກະສານສັນຍາທັງໝົດທີ່ໄດ້ຕົກລົງກັນໃຫ້ຜູ້ສະຫນອງ ຫລືຜູ້ຮັບ ເຫມົາສະບັບຕົ້ນສອງສະບັບພ້ອມກັບໜັງສືຕອບຮັບ (Letter of Acceptance) ວັນທີມື້ໃສ່ພ້ອມ; ເອກະ ສານແຕ່ລະສະບັບຕ້ອງເຊັນ ໂດຍຜູ້ຕາງຫນ້າທີ່ໄດ້ຮັບການມອບໝາຍ ແລະລົງວັນທີມື້ເຊັນໃສ່ພ້ອມ;
      
   • ໜັງສືຕອບຮັບ ຕ້ອງລະບຸກຳນົດເວລາໃນການຕອບຮັບ, ຊື່ງຕາມປົກກະຕິບໍ່ໃຫ້ກາຍ 30 ວັນ;
      
   • ຖ້າຫາກຜູ້ສະຫນອງ ຫລືຜູ້ຮັບເຫມົາໄດ້ຕົກລົງເຊັນສັນຍາແລ້ວ, ເຂົາເຈົ້າຕ້ອງໄດ້ເຊັນ ແລະລົງວັນທີມື້ ເຊັນໃສ່ສັນຍາ ແລະໜັງສືຕອບຮັບສະບັບຕົ້ນ ແລະສັນຍາຢ່າງລະສະ ບັບຕ້ອງສົ່ງຄືນຫາຜູ້ຈັດຊື້ ຫລືເຈົ້າ
     ຂອງໂຄງການກ່ອນກຳນົດເວລາທີ່ລະບຸໄວ້ໃນ ຫນັງສືຕອບຮັບ.
      
4. ການຈົດທະບຽນສັນຍາ: ສັນຍາທຸກໆປະເພດພາຍຫລັງເຊັນສັນຍາແລ້ວ, ຜູ້ສະຫນອງ ຫລື ຜູ້ຮັບເຫມົາຕ້ອງໄດ້
     ຈົດທະບຽນສັນຍາໂດຍສອດຄ່ອງກັບ ດຳລັດວ່າດ້ວຍການຈົດທະບຽນ ເອກະສານ, ເລກທີ 52/ນຍ, ລົງວັນທີ
     13ມິນາ 1993.

1. ຈຸດປະສົງຂອງສັນຍາ ຕ້ອງຈະແຈ້ງ, ຊັດເຈນສອດຄ່ອງກັບລະບຽບກົດໝາຍ ແລະສາມາດຈັດຕັ້ງປະຕິບັດໄດ້;
2. ລາຄາ, ສະກຸນເງິນ, ຮູບແບບການຊຳລະ ແລະວິທີການຊຳລະຊຶ່ງຕ້ອງປະກອບດ້ວຍຂໍ້ກຳນົດກ່ຽວກັບຄວາມເປັນ ໄປໄດ້ຂອງການຊຳລະເງິນລ່ວງໜ້າ ແລະການທົດແທນເງິນ ກົນໄກອື່ນໆທີ່ພົວພັນກັບການທົດແທນເງິນຄືນ ແລະ
   ເງິນຄ້ຳປະກັນສັນຍາ;
   - ລາຄາ: ຕາມປົກກະຕິລາຄາ ໃນສັນຍາຕ້ອງອີງໃສ່ນື່ງໃນວິທີການລຸ່ມນີ້:
   
   • ລາຄາຂາດຕົວ ຫລືມອບເໝົາ ແມ່ນລາຄາທັງໝົດ ໄດ້ຕົກລົງລ່ວງໜ້າແລ້ວ, ການ ຊຳລະເງິນແມ່ນພາຍ
     ຫລັງສຳເລັດວຽກ ຫລືໃນເວລາອື່ນຕາມການຕົກລົງຂອງຄູ່ສັນຍາ ຫລືຈ່າຍເປັນແຕ່ລະໄລຍະຂື້ນກັບຄວາມ ຄືບໜ້າຂອງວຽກ ຫລືການບໍລິການ;
      
   • ລາຄາຫົວໜ່ວຍ ແມ່ນລາຄາຂອງລາຍການລະອຽດ(ຫົວໜ່ວຍ)ຂອງວຽກ ແລະສີນຄ້າ, ຊື່ງຄູ່ສັນຍາໄດ້ຕົກ
     ລົງກັນ ໂດຍອີງໃສ່ຈຳນວນຫົວໜ່ວຍຄາດຄະເນຢູ່ໃນເອກະສານບໍລິມາດວຽກ ແລະລາຄາທັງໝົດເທົ່າກັບ ລາຄາຫົວໜ່ວຍຄູນ ໃຫ້ ບໍລິ ມາດວຽກຕົວຈີງຂອງຫົວຫນ່ວຍທີ່ກຳນົດ; ການຊຳລະເງິນຕ້ອງຊຳລະພາຍ ໃນກຳນົດເວລາທີ່ຕົກລົງກັນຕາມ ທຳມະດາແມ່ນ 45 ວັນ ຫຼັງຈາກໄດ້ຮັບໃບເກັບເງິນ;
      
   • ມູນຄ່າບວກຄ່າບໍລິການ, ໃຊ້ສຳລັບສັນຍາ ກ່ຽວກັບການບໍລິການ, ຊື່ງລາຄາລວມອີງໃສ່ລາຄາຕາມຫົວ
     ໜ່ວຍເວລາ (ຕົວຢ່າງ : ຊົ່ວໂມງ, ມື້ , ເດືອນ) ຄູນໃຫ້ຈຳນວນຫົວໜ່ວຍເວລາທີ່ເຮັດວຽກຕົວຈີງບວກກັບ ຄ່າໃຊ້ຈ່າຍທົດແທນ ຄືນຕ່າງໆທີ່ໄດ້ຄາດຄະເນໄວ້ຢູ່ໃນສັນຍາ; ສັນຍາປະເພດນີ້ ຄວນກຳນົດກ່ຽວກັບຄ່າ ໃຊ້ຈ່າຍສູງສຸດໝາຍຄວາມວ່າ ຜູ້ສະໜອງການບໍລິການຕ້ອງ ສຳເລັດວຽກໂດຍໃຊ້ຈ່າຍບໍ່ ໃຫ້ກາຍຈຳ ນວນເງິນ ສູງສຸດທີ່ໄດ້ ຕົກລົງກັນໄວ້. ການ ຊຳລະເງິນຄ່າບໍລິການຕ້ອງ ຈ່າຍເປັນແຕ່ລະໄລຍະ (ຕົວ ຢ່າງ: ທຸກໆອາທິດ ຫລືທຸກໆເດືອນ ) ຂື້ນກັບຄວາມຄືບ ໜ້າຂອງວຽກງານ. ການຊຳລະຕາມໃບເກັບເງິນ, ຊື່ງລະບຸລາຍລະອຽດກ່ຽວກັບການບໍລິການທີ່ໄດ້ສະໜອງໃຫ້ຕາມ ກຳນົດເວລາຕົວຈີງ; ສ່ວນການຊຳລະ ເງິນຕາມມູນຄ່ານັ້ນກໍຄືກັນ ໝາຍວ່າ ຫຼັງຈາກທີ່ໄດ້ຮັບໃບ ສະເໜີຈ່າຍ, ຊື່ງ ລວມມີໃບບີນຕ່າງໆດັ່ງທີ່ໄດ້ ລະບຸໄວ້ໃນສັນຍາ.
      
   • ຂໍ້ກຳນົດທີ່ພົວພັນ ແລະວິທີການດັດແກ້ລາຄາຈະຕ້ອງລະບຸໄວ້ໃນສັນຍາ. ການອະນຸຍາດໃຫ້ດັດແກ້ລາຄາ
     ໃນກໍລະ ນີສັນຍາກໍ່ສ້າງສ້ອມແປງທີ່ມີກຳນົດເວລາເກີນກ່ວາ12ເດືອນ, ການດັດແກ້ນີ້ ສາມາດດັດແກ້ໄດ້ ສະເພາະແຕ່ຄ່າແຮງ ງານ ແລະລາຄາວັດຖຸກໍ່ສ້າງເທົ່ານັ້ນ. ຖ້າຫາກຝ່າຍໃດນື່ງຕ້ອງການດັດແກ້ລາຄາ ກໍສາມາດສະເຫນີໄດ້, ແຕ່ຕ້ອງມີ ເອກະສານຢັ້ງຢືນລາຄາໃນຕະຫຼາດ.
   
   - ສະກຸນເງິນໃນການຊຳລະ:ການກຳນົດສະກຸນເງິນໃນການຊຳລະຕ້ອງອີງໃສ່ພື້ນຖານສັນຍາທີ່ໄດ້ເຊັນກັບນິຕິບຸກ
   ຄົນ ຫລືບໍລິສັດພາຍໃນຕ້ອງຊຳລະເປັນເງິນກີບ, ສ່ວນສັນ ຍາຊື້ສີນຄ້າ, ການກໍ່ສ້າງສ້ອມແປງ ແລະການບໍລິການ ຈາກຕ່າງປະເທດ, ຊື່ງແມ່ນ ບໍລິສັດຕ່າງປະເທດເປັນຜູ້ສະຫນອງ ຫລືຜູ້ຮັບເໝົານັ້ນ ຕ້ອງປະຕິບັດຕາມລັດຖະ ບັນຍັດວ່າດ້ວຍການຄຸ້ມຄອງເງິນຕາຕ່າງປະເທດ ແລະວັດຖຸມີຄ່າ, ສະບັບເລກທີ 01/ສປ ປ, ລົງວັນທີ 9 ສີງຫາ 2002.
   - ຮູບແບບການຊຳລະ: ສັນຍາການປະມູນຈັດຊື້ສີນຄ້າ, ການກໍ່ສ້າງŒສ້ອມແປງ ແລະການບໍລິການ,ຖ້າໄລຍະການ ຈັດຕັ້ງປະຕິິບັດບໍ່ເກີນ1ປີນັ້ນແມ່ນໃຫ້ກຳນົດມູນຄ່າ ແລະສະກຸນເງິນຊຳລະຄົງຕົວຕາມສັນຍາໂດຍນຳໃຊ້ຮູບແບບການ ຊຳລະດັ່ງນີ້:
    
   1. ສັນຍາສະຫນອງສີນຄ້າ, ລວມທັງມູນຄ່າການຕິດຕັ້ງ ສາມາດຊຳລະເປັນງວດດຽວ ຫລືຫລາຍງວດກໍ່ໄດ້, ແຕ່ ຕ້ອງລະບຸໄວ້ໃນສັນຍາ.
       
   2.  ສັນຍາການກໍ່ສ້າງ - ສ້ອມແປງ ສາມາດຊຳລະໄດ້ຕາມຮູບແບບໃດນື່ງ ດັ່ງນີ້:
      
      • ຕາມລາຄາມອບເໝົາຂາດຕົວ ສຳລັບກິດຈະການຂະໜາດນ້ອຍ;
         
      • ຕາມການຢັ້ງຢືນບໍລິມາດວຽກ, ຊື່ງໄດ້ກຳນົດລາຄາຫົວໜ່ວຍ ແລະ ບໍລິມາດວຽກຢູ່ໃນສັນຍາ
         
      •  ຕາມໃບຢັ້ງຢືນເກັບເງິນ ສຳລັບວຽກທີ່ບໍ່ສາມາດຄິດໄລ່ໃນເບື້ອງຕົ້ນໄດ້ແນ່ນອນເຊັ່ນ: ການສ້ອມ ແປງບຳລຸງຮັກສາ, ການຂຸດຄົ້ນດິນ, ການສຳ ຫຼວດພື້ນດີນ, ການທຳຄວາມສະອາດຄອງເໝືອງ ຫລືແລວນ້ຳຕ່າງໆ.
         
   3. ສັນຍາບໍລິການທີ່ປຶກສາ ຫລືຊ່ຽວຊານ ສາມາດຊຳລະຕາມລາຄາແບບມອບເໝົາ ຕາມຫນ້າວຽກ ຫລືຕາມ
      ເວລາ (ຄົນ/ເດືອນ), ໃນກໍລະນີນີ້ ຕ້ອງໄດ້ກຳນົດໜ້າວຽກ ໃຫ້ຊັດເຈນເທົ່າທີ່ຈະເຮັດໄດ້.
      
      - ວິທີການຊຳລະ ທຸກໆວິທີການຊຳລະໃນສັນຍາຕ້ອງໄດ້ປະຕິບັດຕາມລະບຽບການ ດັ່ງນີ້:
      
      • ການຊຳລະຄ່າສີນຄ້າທີ່ຊື້ນຳບຸກຄົນ ຫລືບໍລິສັດຢູ່ພາຍໃນປະເທດຕ້ອງຊຳລະພາຍຫຼັງທີ່ໄດ້ຮັບສີນ ຄ້າເຂົ້າສາງຂອງ ຜູ້ຈັດຊື້ ຫລືເຈົ້າຂອງໂຄງການບົນພື້ນຖານມີເອກະສານຢັ້ງຢືນມອບຮັບຢ່າງຄົບ ຖ້ວນ.
         
      • ການຊຳລະຄ່າສີນຄ້າ ທີ່ຊື້ຈາກຕ່າງປະເທດ, ຊື່ງຕ້ອງໄດ້ໂອນເງິນໄປຕ່າງ ປະເທດນັ້ນ, ໃຫ້ຊຳ ລະຜ່ານທະນາ ຄານດ້ວຍການອອກຈົດໝາຍສີນເຊື່ອທີ່ ສາກົນຮັບຮູ້ ຫລືຮູບການອື່ນໆຖ້າມີ.
         
      • ການຊຳລະເງິນລ່ວງຫນ້າ ປະຕິບັດໄດ້້ສ່ວນໃດສ່ວນໜຶ່ງພາຍຫລັງເຊັນສັນຍາ, ການຊຳລະນີ້ບໍ່
        ເກີນ15% ຂອງ ມູນຄ່າຕາມສັນຍາ, ຊຶ່ງຜູ້ສະຫນອງ ຫລືຜູ້ຮັບເໝົາຕ້ອງມີໃບຄ້ຳປະກັນຈາກທະ ນາຄານໃນມູນຄ່າເທົ່າກັນຫລືບໍ່ເກີນ 20% ຂອງມູນຄ່າສັນຍາ, ຖ້າຫາກຜູ້ຮັບເຫມົາໄດ້ນຳເອົາກົນ ຈັກ, ອຸປະກອນ ແລະແຮງງານມາຮອດສະຫນາມ ແລ້ວໂດຍໄດ້ຮັບການຢັ້ງຢືນຈາກຜູ້ຈັດຊື້ ຫລື ພາກສ່ວນທີ່ກ່ຽວຂ້ອງ. ຫລັງຈາກນັ້ນແມ່ນໃຫ້ຊຳລະຕາມຄວາມຄືບ ໜ້າຂອງວຽກ.
         
      •  ການຊຳລະຕາມຄວາມຄືບຫນ້າຂອງວຽກແມ່ນໃຫ້ອີງໃສ່ເອກະສານຢັ້ງຢືນ ການກວດກາບໍລິມາດ ວຽກທີ່ສຳເລັດຕົວ ຈີງຂອງຜູ້ຈັດຊື້ ຫລືເຈົ້າຂອງໂຄງການ ໂດຍສົມທົບກັບວິສະວະກອນຄວບຄຸ້ມ ການກໍ່ສ້າງສ້ອມແປງນັ້ນເປັນຜູ້ຢັ້ງຢືນ.
         
      • ການຊຳລະຄ່າທີ່ປຶກສາ ຫລືຊ່ຽວຊານແມ່ນອີງໃສ່ມູນຄ່າສັນຍາອາດຊຳລະຕາມເວລາທີ່ໃຊ້, ເພື່ອ ສຳເລັດວຽກທີ່ກຳ ນົດຫນ້າທີ່ຫລືຊຳລະແບບມອບເຫມົາ.
         
3. ກຳນົດເວລາຈັດຕັ້ງປະຕິບັດ, ສະຖານທີ່ປະຕິບັດ, ເວລາ ແລະສະຖານທີມອບ-ຮັບ ສຳລັບ ສັນຍາກໍ່ສ້າງ-ສ້ອມ ແປງລວມມີດັ່ງນີ້:
   
   • ກຳນົດເວລາຈັດຕັ້ງປະຕິບັດສັນຍາຫລືກຳນົດເວລາໃນການສົ່ງຕາຕະລາງຫລືແຜນການລະອຽດທີ່ໄດ້ລະບຸ ວິ ທີການສະເພາະທີ່ຜູ້ຮັບເໝົາຈະນຳໃຊ້ໃນການຈັດຕັ້ງ ປະຕິບັດສັນຍາ ແລະການສະເໜີແຜນກໍ່ສ້າງ ແລະວິທີດຳເນີນງານ;
     
   • ມື້ເລີ້ມຕົ້ນ ແລະສີ້ນສຸດໂດຍສະເພາະໃນກໍລະນີໂຄງການທີ່ມີລັກສະນະສັບສົນທີ່ແບ່ງອອກເປັນຫຼາຍໄລຍະ ຫລືຫຼາຍຂັ້ນຕອນ;
4. ຂອບເຂດ, ປະລິມານ ແລະ ຄຸນນະພາບຂອງຂໍ້ຜູກພັນ: ນີ້ແມ່ນເງື່ອນໄຂພື້ນຖານຂອງສັນຍາຊຶ່ງປະກອບດ້ວຍ:
   
   • ການກຳນົດອົງປະກອບອັນສຳຄັນຂອງສັນຍາເຊັ່ນ: ຄູ່ສັນຍາ,ໜ້າວຽກແລະຈຳນວນວຽກກໍ່ສ້າງ-ສ້ອມແປງ, ສີນຄ້າ ຫລືການບໍລິການທີ່ກ່ຽວຂ້ອງ, ມາດຕະຖານເຕັກນິກທີ່ນຳໃຊ້ ແລະອື່ນໆ;
      
   • ມາດຕະຖານເຕັກນິກຕ້ອງອີງໃສ່ໜ້າວຽກ, ໃນເວລາປະມູນ ຖ້າຫາກບໍ່ອ້າງອີງເຖີງ ມາດຕະຖານເຕັກນິກ ຫ້າມ ບໍ່ໃຫ້ອ້າງອີງເຖີງຊື່ສີນຄ້າ, ເລກລະຫັດຕາມປື້ມສັ່ງເຄື່ອງ ຫລືວິທີການອື່ນໆທີ່ພາໃຫ້ຜູ້ສະໜອງຮູ້
     ໄດ້ຍົກເວັ້ນກໍລະ ນີບໍ່ມີວິທີທາງອື່ນທີ່ ຈະອະທິບາຍສີນຄ້ານັ້ນໄດ້ແທ້ໆ. ຖ້າມີການອ້າງອີງເຖີງມາດຕະຖານ ເຕັກນິກທີ່ລະອຽດນັ້ນຈະ ຕ້ອງຕື່ມຄຳວ່າ “ຫລືທຽບເທົ່າ“ ເພື່ອໃຫ້ສາມາດນຳໃຊ້ສີນຄ້າອື່ນທີ່ຮັບປະກັນ ແລະມີຄວາມໄວ້ວາງໃຈເທົ່າທຽມກັນ;
      
   • ມາດຕະຖານຂອງສີນຄ້າ, ອຸປະກອນ ຫລືວັດຖຸ ຫລືມາດຕະຖານຂອງວຽກງານ, ສິ່ງ ເຫຼົ່ານີ້ຈະຕ້ອງໄດ້ ມີການກຳນົດເວລາປະມູນ ແລະໃນເວລາເຮັດສັນຍາໂດຍອີງໃສ່ ມາດຕະຖານສາກົນ, ຖ້າບໍ່ມີມາດຕະ ຖານສາກົນກໍ່ໃຫ້ ໃຊ້ມາດຖານຂອງປະເທດ, ໃນທຸກໆກໍລະນີຜູ້ຈັດຊື້ ຫລືເຈົ້າຂອງໂຄງການຕ້ອງຮັບເອົາ ທຸກໆມາດຖານທີ່ມີຄຸນນະພາບເທົ່າທຽມກັນ ຫລືສູງກ່ວາມາດຖານທີ່ໄດ້ກຳນົດໄວ້;
      
   • ຄວາມຮັບຜິດຊອບຂອງແຕ່ລະຝ່າຍ;
      
   • ຂໍ້ກຳນົດກ່ຽວກັບການຮັບປະກັນສີໄມ້ລາຍມືແລະວັດຖຸຕ່າງໆສຳລັບເວລາໃດນຶ່ງຫຼັງຈາກການຈັດຕັ້ງປະຕິ
     ບັດ ສັນຍາສຳເລັດ ແລະຂໍ້ຮຽກຮ້ອງໃຫ້ຜູ້ຮັບເໝົາ ຫລືຜູ້ສະໜອງຮັບຜິດຊອບຄ່າເສັຍຫາຍໃນໄລຍະຮັບປະກັນ;
      
   • ຂໍ້ກຳນົດທີ່ພົວພັນເຖີງຄ່າໃຊ້ຈ່າຍປະກັນໄພ ແລະຄ່າຂົນສົ່ງ;
      
   •  ຂໍ້ກຳນົດທີ່ພົວພັນເຖິງ ການໃຊ້ແທນຄ່າເສຍຫາຍໃຫ້ຜູ້ຈັດຊື້ ຫລືເຈົ້າຂອງໂຄງການ, ຊື່ງການເສັຍຫາຍ ດັ່ງກ່າວ ເກິດຂື້ນຍ້ອນການຊັກຊ້າໃນການກໍ່ສ້າງ ຫລືການສົ່ງ ສີນຄ້າ ແລະເຮັດໃຫ້ຄ່າໃຊ້ຈ່າຍຂອງຜູ້
     ຈັດຊື້ ຫລືເຈົ້າຂອງ ໂຄງການເພີ່ມຂື້ນ, ເຮັດໃຫ້ຂາດລາຍຮັບ ຫລືຂາດທືນ;
      
   •  ຂໍ້ກຳນົດໃຫ້ນຳໃຊ້ແຮງງານ ແລະວັດຖຸພາຍໃນປະເທດຕາມກົດໝາຍ;
      
   • ຂໍ້ກຳນົດທີ່ພົວພັນເຖິງການຮັບປະກັນການດຳເນີນການກໍ່ສ້າງŒສ້ອມແປງ ຫລືການສະໜອງໃຫ້ສຳເລັດ,
     ຮັບປະກັນການຕິດຕັ້ງ ແລະຄຸນະພາບຂອງສີນຄ້າ ແລະເພື່ອປ້ອງກັນຜູ້ຈັດຊື້ ຫລືເຈົ້າຂອງໂຄງການຈາກ ສະພາບທີ່ຜູ້ຮັບ ເໝົາ ຫລືຜູ້ສະ ໜອງບໍ່ປະຕິບັດຕາມພັນທະຂອງຕົນ; ການຮັບປະກັນນັ້ນ ອາດເຮັດໃນ ຮູບການວາງເງິນ ສົດສຳລັບ ກຳນົດເວລາຂອງສັນຍາ ຫລືໃນຮູບການເງິນມັດຈຳ ຫລືໜັງສືຄ້ຳປະກັນ ຈາກທະນາຄານມູນຄ່າ ຂອງການຄ້ຳປະກັນບໍ່ ໃຫ້ຫຼຸດ 10% ຂອງມູນຄ່າສັນຍາ;
      
5. ເງື່ອນໄຂໃນການປ່ຽນແປງສັນຍາ ແລະການສີ້ນສຸດກ່ອນກຳນົດເວລາ ຊຶ່ງປະກອບມີ:
   
   • ລາຍລະອຽດກ່ຽວກັບສະພາບທີ່ອະນຸຍາດໃຫ້ມີການດັດແກ້ຂໍ້ກຳນົດ ແລະເງື່ອນໄຂຂອງສັນຍາໂດຍສະ
     ເພາະແມ່ນມູນຄ່າຂອງສັນຍາ ແລະວິທີການໃນການດັດແກ້.
      
   • ຂໍ້ກຳນົດກ່ຽວກັບເງື່ອນໄຂທຳມະຊາດ, ຊຶ່ງກຳນົດວ່າຖ້າຫາກຄູ່ສັນຍາບໍ່ສາມາດເຮັດສຳເລັດຕາມສັນຍາ ເນື່ອງຈາກສາຍເຫດນອກຕົວ ຊື່ງບໍ່ສາມາດຄາດຄະເນໄດ້ຈະບໍ່ຖືວ່າເປັນການລະເມີດສັນຍາ; ຂໍ້ກຳນົດນີ້ ຕ້ອງເວົ້າເຖິງຜົນຕາມ ມາຂອງເຫດການ ດັ່ງກ່າວ;
      
6.  ວິທີການແກ້ໄຂຂໍ້ຂັດແຍ່ງ ຊື່ງຈະຕ້ອງກຳນົດລາຍລະອຽດໃນກໍລະນີຝ່າຍໃດນື່ງລະເມີດ ສັນຍາ; ລາຍລະອຽດດັ່ງ ກ່າວປະກອບມີ:
   
   • ພາສາທີ່ນຳໃຊ້ໃນການຕີຄວາມໝາຍສັນຍາ;ໃນກໍລະນີຫາກໃຊ້ຫຼາຍກ່ວານື່ງພາສາຕ້ອງໄດ້ກຳນົດວ່າພາ
     ສາ
     ໃດເປັນ ພາສາຕັດສີນ;
      
   • ກົດໝາຍທີ່ນຳໃຊ້ ແລະສະຖານທີ່ດຳເນີນການແກ້ໄຂຂໍ້ຂັດແຍ່ງ, ກົດໝາຍທີ່ຈະ ນຳໃຊ້ຈະຕອ້ງແມ່ນກົດ ໝາຍຂອງ ສປປ ລາວ; ສຳນັກງານແກ້ໄຂຂໍ້ຂັດແຍ່ງທາງດ້ານເສດຖະກິດໂດຍສອດຄ່ອງກັບດຳລັດວ່າ ດ້ວຍການແກ້ໄຂຂໍ້ຂັດ ແຍ່ງທາງ ດ້ານເສດຖະກິດ ເລກທີ106/ນຍ, ລົງວັນທີ 15 ກໍລະກົດ 1994 ຫລື ອົງການໄກ່ເກັ່ຍ ຫລືແກ້ໄຂຂໍ້ຂັດ ແຍ່ງທີ່ຄູ່ສັນຍາເລືອກເອົາ ແລະຕົກລົງກັນ;
      
   • ຂໍ້ກຳນົດທີ່ບັງຄັບໃຫ້ຄູ່ສັນຍາຕ້ອງພະຍາຍາມແກ້ໄຂຂໍ້ຂັດແຍ່ງດ້ວຍສັນຕິວິທີກ່ອນຈະສົ່ງຄະດີຂື້ນສານຫລື
     ອົງການຕຸລາການອື່ນໆ;