ທ່ານສາມາດຊອກຫາໂອກາດດ້ານການເຮັດທຸລະກິດ ໂດຍເຂົ້າຫາແຫລ່ງຂໍ້ມູນຈຳນວນໜຶ່ງ ທີ່ໄດ້ຊີ້ແນະໂອກາດ
ດັ່ງກ່າວ ບໍ່ວ່າທາງກົງ ຫລື ທາງອ້ອມ. ການຈັດຊື້ ຫລື ການປະມູນຂອງລັດຖະບານກໍ່ແມ່ນໂອກາດໃນການເຮັດ
ທຸລະກິດ ຫລື ສະໜອງການບໍລິການ ຂອງທ່ານ ເຊິ່ງຖ້າຫາກທ່ານ ສາມາດກຳລະບຽບຫລັກການທີ່ກ່ຽວຂ້ອງ ກໍຈະໄດ້ປຽບ ແລະ ມີໂອກາດສູງ.

ແຫລ່ງຂໍ້ມູນ

ແຫລ່ງຂໍ້ມູນກ່ຽວກັບໂອກາດດ້ານການເຮັດທຸລະກິດ ຢູ່ໃນ ສປປ ລາວ ສາມາດ ຊອກໄດ້ຈາກພະແນກການ ແລະ ອົງການຈັດຕັ້ງທີ່ກ່ຽວຂ້ອງ ເຊັ່ນ: ສູນສົ່ງເສີມການຄ້າ, ສະພາການຄ້າ, ກະຊວງການຄ້າ ແລະ ກົມຄຸ້ມ
ຄອງການລົງທຶນພາຍໃນ ແລະ ຕ່າງປະເທດ, ເປັນຕົ້ນ.

ການຈັດຊື້ຂອງລັດຖະບານ

ການຈັດຊື້ ແລະ ປະມູນຕ່າງໆ ຂອງລັດຖະບານ ກໍ່ເປັນໂອກາດດ້ານ ທຸລະກິດຢ່າງໜຶ່ງ ຂອງນັກທຸລະກິດ. ລັດຖະບານຈະມີຄະນະກຳມະ ການຈັດຊື້ສະເພາະ ຢູ່ໃນຂັ້ນສູນກາງ ແລະ ຂັ້ນແຂວງ. ສາມາດກົດ ຢູ່ນີ້ເພື່ອເອົາ ຂໍ້ມູນກ່ຽວກັບກົດລະບຽບໃນການຈັດຊື້ຂອງລັດຖະບານ (03/ນຍ).

ໂອກາດທາງທຸລະກິດອື່ນໆ
ນອກຈາກແຫລ່ງຂໍ້ມູນທີ່ເປັນອົງການຈັດຕັ້ງພາຍໃນແລ້ວ ທ່ານ ອາດຊອກຫາໂອກາດດ້ານທຸລະກິດໄດ້ຈາກການ
ເຂົ້າຮ່ວມເວທີ ປະຊຸມພົບປະກັບກັບຜູ້ປະກອບການ ແລະ ເວທີສຳມະນາຕ່າງໆ, ເປັນຕົ້ນ. ນອກຈາກນັ້ນ, ທ່ານ
ສາມາດຊອກຫາໂອກາດດ້ານ ທຸລະກິດ ຈາກສິ່ງພິມ ແລະ ການປະກາດແຈ້ງໂດຍກົງຂອງອົງ ການຈັດຕັ້ງ
ທີ່ກ່ຽວຂ້ອງ.