ນະໂຍບາຍສົ່ງເສີມທຸລະກິດ > ການຍົກເວັ້ນພາສີນຳເຂົ້າ > ອັດຕາອາກອນຕົວເລກທຸລະກິດສຳລັບ ການນຳເຂົ້າ ແລະ ການຂາຍຜະລິດຕະພັນທີ່ຕ່ຳກວ່າໝູ່

ອັດຕາອາກອນຕົວເລກທຸລະກິດ

(ເນື້ອໃນເອກະສານນີ້ແມ່ນຄັດມາຈາກກົດໝາຍວ່າດ້ວຍການສ່ວຍສາອາກອນເລກທີ 04/95/ສພຊ, ມາດຕາ 12)

ອັດຕາອາກອນຕົວເລກທຸລະກິດໄດ້ກຳນົດໄວ້ດັ່ງນີ້:

ກ. ອັດຕາສາມສ່ວນຮ້ອຍ (3%) ສຳລັບທຸລະກິດ:

1. ການນຳເຂົ້າ, ການຂາຍ:

   • ຜະລິດຕະພັນກະສິກຳເຊັ່ນ: ເຂົ້າສານ, ແປ້ງເຂົ້າ, ຮຳ, ແປ້ງມັນ ແລະ ແປ້ງສາລີເປັນຕົ້ນ

   • ຜະລິດຕະພັນອາຫານ

   • ວັດຖຸດິບ, ຜະລິດຕະພັນເຄິ່ງສຳເລັດຮູບ, ເຄມີຮັບໃຊ້ການຜະລິດກະສິກຳ, ອຸດສາຫະກຳ ແລະ ກະສິກຳ

   • ປຸຍ ແລະ ອາຫານສັດ

   • ເຄື່ອງມື, ເຄື່ອງຈັກ ແລະ ອຸປະກອນຮັບໃຊ້ການປູກຝັງ, ການລ້ຽງສັດ ແລະ ການຜະລິດ ( ກະສິກຳ, ອຸດສາຫະກຳ ແລະ ຫັດຖະກຳ)

   • ເຄື່ອງຈັກ ແລະ ພາຫະນະຮັບໃຊ້ການບຸກເບີກ, ລາກແກ່, ການຂຸດຄົ້ນບໍ່ແຮ່, ບໍ່ນ້ຳມັນ, ອາຍແກັສ, ການກໍ່ສ້າງວັດຖຸເຕັກນິກ ເຊັ່ນ: ຂົວທາງ, ຊົນລະປະທານ, ເຂື່ອນ, ທ່າເຮືອ, ເດີ່ນບິນ ລວມທັງເຄື່ອງອາໄຫລຂອງພາຫະນະດັ່ງກ່າວ

   • ແຮ່ທາດຕ່າງຯ ເຊັ່ນ : ແຮ່ເຫຼັກ, ແຮ່ກົ່ວ, ແຮ່ຊືນ, ແຮ່ຂາງ, ແຮ່ທອງແດງ ແລະ ອື່ນຯທີ່ຄ້າຍຄຽງ

   • ຫີນກາວ, ລິກໄນ, ຖ່ານຫີນ, ອາຍແກັສ ແລະ ອື່ນຯ ທີ່ຄ້າຍຄຽງ

   • ນ້ຳປະປາ

   • ຢາປົວຄົນ, ອຸປະກອນການແພດ ແລະ ການສຶກສາ

   • ລົດພະຍາບານ, ລົດດັບເພີງ ແລະ ລົດວິຊາສະເພາະອື່ນຯ

   • ລົດຖີບ, ລົດສາມລໍ້ຖີບ

   • ເສັ້ນຝ້າຍ, ເສັ້ນໄໝ, ເສັ້ນໄຍຕ່າງຯ

   • ຜະລິດຕະພັນວິຈິດຕະກຳ, ສິນລະປະກຳ ແລະ ຫັດຖະກຳ

   • ເຄື່ອງຫລີ້ນເດັກນ້ອຍ

   • ອຸປະກອນການກິລາ ແລະ ກາຍຍະກຳ

2. ການບໍລິການ

   • ການບໍລິການດ້ານກະສິກຳດ້ວຍເຄື່ອງຈັກ

   • ການວິໄຈດິນປູກຝັງ, ດິນກໍ່ສ້າງ, ປ່າໄມ້ ແລະ ວິໄຈແຮ່ທາດຕ່າງຯ

   • ການອານາໄມຕົວເມືອງ

   • ໂຮງຂ້າສັດ ແລະ ການຂ້າສັດທົ່ວໄປ

   • ການບໍລິການຕັດຜົມ ແລະ ເສີມສວຍ

   • ກິດຈະການປິ່ນປົວຄົນ ແລະ ສັດ

   • ກິດຈະການສະແດງລະຄອນ, ລຳເລື່ອງ, ສິນລະປະວັນນະຄະດີ, ກິລາ ເຊັ່ນ: ບານເຕະ, ບານສົ່ງ, ບານບ້ວງ, ຕີມວຍ, ເຕ່ນນິດ ແລະ ກາຍຍະກຳ

   • ກິດຈະການກາຍຍະບຳບັດ

   • ການຕີເງິນ ແລະ ຄຳ

   • ການເຈຍລະໄນເພດ, ນິນ, ພອຍ ແລະ ແກ້ວ.