ນະໂຍບາຍສົ່ງເສີມທຸລະກິດ > ການຍົກເວັ້ນພາສີນຳເຂົ້າ > ລາຍການຂອງກິດຈະການທີ່ອາກອນ ຕົວເລກທຸລະກິດໄດ້ຮັບການຍົກເວັ້ນ

ການຍົກເວັ້ນອາກອນຕົວເລກທຸລະກິດ (ມາດຕາ 9)

(ເນື້ອໃນເອກະສານຕໍ່ໄປນີ້ແມ່ນຄັດມາຈາກກົດໝາຍສ່ວຍສາອາກອນເລກທີ04/95/ສພຊ)

ກິດຈະການທີ່ຖືກຍົກເວັ້ນອາກອນຕົວເລກທຸລະກິດ ມີດັ່ງນີ້:

• ການນຳເຂົ້າແນວພັນພືດ, ແນວພັນສັດ ແລະ ຢາປາບສັດຕູພືດ

• ການນຳເຂົ້າວັດຖຸ, ອຸປະກອນ ແລະ ເຄມີສຳລັບການຄົ້ນຄ້ວາ, ວິໄຈວິທະຍາສາດ

• ການນຳເຂົ້າຄຳ ເພື່ອສະຖາບັນພິມຈຳໜ່າຍທະນະບັດ

• ການນຳເຂົ້າທະນະບັດເປັນເຈ້ຍ ຫລື ເປັນໂລຫະ

• ການນຳເຂົ້າ ຫລື ກິດຈະກຳກ່ຽວກັບສະແຕມອາກອນ ຫລື ສະແຕມໄປສະນີ

• ການນຳເຂົ້າເຮືອບິນ ຫລື ອຸປະກອນການຮັບໃຊການຂົນສົ່ງສາກົນທາງອາກາດ

• ການນຳເຂົ້າສິນຄ້າເຄື່ອງຂອງ ເພື່ອປະກອບໃສ່ເຮືອບິນ ທີ່ດຳເນີນການຂົນສົ່ງສາກົນ

• ການນຳເຂົ້າສິນຄ້າເຄື່ອງຂອງ ເພື່ອຈຳໜ່າຍໃຫ້ແກ່ນັກການທູດ, ສະຖານທູດ ແລະ ອົງການຈັດຕັ້ງສາກົນຢູ່ ສ ປ ປ ລາວ ຕາມການອະນຸຍາດຂອງກະຊວງການຕ່າງປະເທດ

• ການນຳເຂົ້າສິນຄ້າເຄື່ອງຂອງ ທີ່ໄດ້ຮັບການຍົກເວັ້ນ ຫລື ງົດເກັບພາສີຂາເຂົ້າຊົ່ວຄາວ

• ການນຳເຂົ້າແລະການຂາຍຢາປົວພະຍາດສັດ

• ການຂາຍຜະລິດຕະຜົນກະສິກຳ; ຜະລິດຕະພັນກະສິກຳ ໂດຍລັດຖະກອນ ຫລືສະມາຊິກສະຫະກອນ ທີ່ຢູ່ໃນຂອບເຂດເສດຖະກິດຄອບຄົວ

• ກິດຈະການກ້າເບັ້ຍໄມ້, ປູກໄມ້ໃຫ້ເປັນປ່າ, ຕົ້ນໄມ້ອຸດສາຫະກຳ, ຕົ້ນໄມ້ກິນໝາກ

• ການຂາຍສິນຄ້າເຄື່ອງຂອງອອກນອກປະເທດ ລວມທັງຄ່າບໍລິການທີ່ ຕິດພັນກັບການສົ່ງອອກ.

• ການຂາຍປ້ມຕຳລາຮຽນ, ໜັງສືພິມ ແລະ ວາລະສານຕ່າງຯ ທີ່ໄດ້ຮັບອະນຸຍາດ

• ການຂົນສົ່ງສາກົນ ແລະ ການບໍລິການທີ່ຕິດພັນໂດຍກົງກັບການຂົນສົ່ງດັ່ງກ່າວ.

• ການຂົນສົ່ງສາກົນ ໝາຍເຖິງການຂົນສົ່ງຄົນໂດຍສານ ຫລື ສິ່ງຂອງຈາກຕ່າງປະເທດ ຫລື ໄປຕ່າງປະເທດໂດຍບໍ່ຈຳແນກທາງບົກ, ທາງນ້ຳ ແລະ ທາງອາກາດ

• ການຂົນສົ່ງໂດຍແຮງງານຄົນ, ແຮງງານສັດທຸກປະເພດ ແລະ ເຮືອທີ່ບໍ່ມີເຄື່ອງຈັກ

• ການໃຫ້ເຊົ່າຊັບຄົງທີ່ ເຊັ່ນ: ທີ່ດິນ, ເຮືອນ ຫລື ຊັບອື່ນຯ ຂອງຜູ້ທີ່ບໍ່ໄດ້ດຳເນີນທຸລະກິດ

• ການບໍລິການສົ່ງອອກໄປຕ່າງປະເທດ

• ການເຄື່ອນໄຫວອາຊີບອິດສະຫລະດ້ວຍຕົນເອງ

• ກິດຈະການກ່ຽວກັບການສຶກສາ ເຊັ່ນ: ໂຮງຮຽນອະນຸບານ, ປະຖົມ, ມັດທະຍົມ, ອຸດົມ, ມະຫາວິທະຍາໄລ ແລະ ວິຊາຊີບທົ່ວໄປ

• ກິດຈະການຫາລາຍໄດ້ ເພື່ອການກຸສົນ ຊຶ່ງຈັດຂຶ້ນໂດຍອົງການຈັດຕັ້ງຂອງລັດ ແລະ ອົງການຈັດຕັ້ງສັງຄົມ ທີ່ໄດ້ຮັບການອະນຸຍາດຢ່າງຖືກຕ້ອງ

• ກິດຈະການທະນາຄານ ແລະ ການປະກັນໄພ.